تېررورلۇق تەشكىلاتى سېپىدىكى يىمىرىلىش ئۈزلۈكسىز داۋام قىلماقتا

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى ئىچكى ئىشلار مىنىستىرلىقى بايانات ئېلان قىلىپ، مىنىستىرلىقنىڭ ئورۇنلاشتۇرۇشىغا ئاساسەن جامائەت خەۋپسىزلىك باش ئىدارىسى بىلەن ژاندارما باش قوماندانلىقى ئېلىپ بارغان قايىل قىلىش خىزمەتلىرى نەتىجىسىدە، پ ك ك تېررورلۇق تەشكىلاتىدىن قاچقان تۆت تېررورچىنىڭ خەۋپسىزلىك كۈچلىرىگە تەسلىم بولغانلىقىنى ئۇقتۇردى.

تەسلىم بولغان مەزكۇر تېررورچىلارنىڭ 2013 ۋە 2015 – يىللىرىدا تەشكىلاتقا قاتنىشىپ سۈرىيە ۋە ئىراقتىكى پائالىيەتلىرىگە ئىشتىراك قىلغانلىقىنىڭ ئېنىقلانغانلىقى قەيت قىلىندى.

يېڭىدىن تەسلىم بولغان تەشكىلات ئەزاسى مەزكۇر تۆت تېررورچىنى قوشقاندا مۇشۇ يىلنىڭ بېشىدىن بۇيان قايىل قىلىش خىزمەتلىرى سايىسىدا تەسلىم بولغانلار ئومۇمىي سانى 230 غا يەتتى.