чавушоғлу америка әскәрлириниң сүрийәдин чекиниш қарари үстидә тохталди

түркийә авази радийоси хәвири: ташқи ишлар министири мәвлүт чавушоғлу зийарәттә болуватқан малтада мухбирларниң соаллириға җаваб берип, америка әскәрлириниң чекиниш мусаписидә кординатсийәниң муһим икәнликини вә сүрийәдә бошлуқ пәйда болушиға рухсәт қилинмаслиқи керәкликини ейтти.

у сүрийәниң земин пүтүнлүкини қоллайдиғанлиқлирини тәкитләп: «узун вақиттин бери даеш террорлуқ тәшкилатиға қарши күрәш қиливатимиз. американиң чекинишидә кординатсийә муһим» деди.

у: «даеш террорлуқ тәшкилатиға қарши күрәш қилиш үчүн йәнә бир террорлуқ тәшкилатидин пайдиланмаслиқ тоғрисида агаһландурған идуқ. сүрийәдә й п г|п к к ға охшаш бөлгүнчи террорлуқ тәшкилатиға һәр қандақ һәрикәт земини берилмәслики керәк» деди.

мәвлүт чавушоғлу сүрийәдә бу нуқтидин кейин, сийасий мусапиға диққәтни мәркәзләштүрүш керәкликини билдүрүп: «сүрийә үчүн асасий қанун комитетиниң 2019-йилниң бешида өткүзүлидиған йиғини, мәсилини сийасий йол билән һәл қилиш үчүн муһимдур» деди.