әрдоған нйу йоркта б д т баш катипи гутеррес билән көрүшти
җумһур рәис рәҗәп таййип әрдоған нйу йоркта бирләшкән дөләтләр тәшкилати (б д т) баш катипи антонио гутеррес билән көрүшти.
түркийә авази радийоси хәвири: б д т омумий кеңишиниң 73 – нөвәтлик башлиқлар йиғиниға иштирак қилиш үчүн нйу йоркқа барған җумһур рәис әрдоған, б д т баш катипи антонио гутеррес билән көрүшти؛ җумһур рәислик сарийи мәнбәлиридин игиләнгән учурға асасланғанда, учришишта, түркийә билән б д т арисидики йеқин һәмкарлиқни техиму күчләндүрүш ирадиси тәкитләп өтүлгәндин башқа, дунйа вә районға алақидар бәзи муһим мәсилиләр тоғрисида пикир алмаштурулған.
б д т баш катиплиқ ишханисиму, җумһур рәис әрдоған билән антонио гутерресниң б д т баш мәркизидики учришиши тоғрисида йазма байанат елан қилип, «баш катип, түркийәниң 3 йерим милйондин артуқ мусапирға саһибханлиқ қиливатқанлиқи, б д т вә түркийә – б д т арисидики мукәммәл һәмкарлиққа йуқири баһа бәрди. баш катип билән җумһур рәис әрдоған, сүрийәдики вәзийәт тоғрисида сөзләшти. баш катип, идлибта қораллардин халийлаштурулған бир район тәсис қилиш үчүн (сочида) 17 – сентәбирдә (русийә пирезиденти виладимир путин билән) имзаланған келишимдин хушаллиқ һес қилғанлиқини билдүрди» дегәнләрни қәйт қилди.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.