ئەردوغان: ئافرىندا يوقىتىلغان تېررورچى سانى 4400 گە يەتتى
جۇمھۇر رەئىس رەجەپ تاييىپ ئەردوغان، ئادالەت ۋە تەرەققىيات پارتىيەسىنىڭ قەيسەرى ۋىلايەتلىك ئاياللار شۆبىسى قۇرۇلتىيىغا قاتنىشىپ كۈنتەرتىپكە ئالاقىدار مەسىلىلەر توغرىسىدا سۆز قىلدى.
964781
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان، ئادالەت ۋە تەرەققىيات پارتىيەسىنىڭ قەيسەرى ۋىلايەتلىك ئاياللار شۆبىسى قۇرۇلتىيىدا سۆز قىلىپ، تۈركىيەنىڭ تېررورىزمغا قارشى كۈرەش ئىرادىسىنىڭ قەتئىي ئىكەنلىكىنى تەكىتلىگەن ھالدا، تۈركىيە ئارمىيەسىنىڭ سۈرىيەنىڭ ئافرىن رايونىدا ئېلىپ بارغان زەيتۇن شېخى ھەربىي ھەرىكىتى جەريانىدا 4400 تېررورچىنىڭ بىر تەرەپ قىلىنغانلىقىنى ئېيتتى.
