دۆلەت خەۋپسىزلىك كېڭىشى يىغىنى

تۈركىيە ئاۋازى رادىيوسى خەۋىرى: جۇمھۇر رەئىسلىك سارىيى مەنبەلىرىنىڭ بىلدۈرۈشىچە، جۇمھۇر رەئىسلىك سارىيىدا چاقىرىلغان يىغىندا، «زەيتۇن شېخى» ھەربىي ھەرىكىتى، سۈرىيەدىكى ئۆزگىرىشلەر دائىرىسىدە مىللىي بىخەتەرلىك جەھەتتىن تەھدىت شەكىللەندۈرۈۋاتقان تېررورلۇق تەشكىلاتلىرىغا قارشى  كۈرەش قاتارلىق مەسىلىلەر مۇزاكىرە قىلىنغان.

يىغىنغا، باش مىنىستىر بىنالى يىلدىرىم، باش ئىشتاب باشلىقى ھۇلۇسى ئاقار، تاشقى ئىشلار مىنىستىرى مەۋلۈت چاۋۇشئوغلۇ، ئىچكى ئىشلار مىنىستىرى سۇلايمان سويلۇ، دۆلەت مۇداپىئە مىنىستىرى نۇرەتتىن جانىقلى ۋە ئالاقىدار بىيۇروكراتلار قاتناشقان.