زەيتۇن شېخى ھەرىكىتى جەريانىدا ئۆلتۈرۈلگەن تېرروچى سانى 597 گە يەتتى

تۈركىيە ئاۋازى رادىيوسى خەۋىرى: تۈركىيە ئارمىيەسى ئىنتېرنېت سەھىپىسى ئارقىلىق ئۇچۇر تارقىتىپ، «ھاۋا ئارمىيەسىنىڭ كېچە بويىچە ئېلىپ بارغان ھاۋادىن زەربە بېرىش ھەرىكىتى سايىسىدا پ ك ك/ ك ج ك / پ ي د – ي پ گ ۋە دائېش تېررورلۇق تەشكىلاتلىرىغا تەۋە پاناھلىنىش ئورۇنلىرى، ئوق – دورا ئىسكىلاتى ۋە ئىستىھكام قىلىپ ئىشلىتىلىۋاتقان 44 نۇقتا ۋەيران قىلىپ تاشلاندى. ھەرىكەتكە ئىشتىراك قىلغان 25 ئايروپىلان ساق – سالامەت ھالدا بازىلىرىغا قايتىپ كەلدى» دېگەن ئىبارىلەرگە ئورۇن بېرىلدى.

باياناتتا، تۈركىيە ئارمىيەسىنىڭ قوللىشى ئاستىدىكى ئەركىن سۈرىيە ئارمىيەسىنىڭ 4 خادىمىنىڭ يېنىك يارىلانغانلىقى بىلدۈرۈلدى.

باياناتتا يەنە، «زەيتۇن شېخى ھەربىي ھەرىكىتى دائىرىسىدە رايوندىن ئىگىلەنگەن ئۇچۇرغا ئاساسلانغاندا، بۈگۈن كېچە پ ك ك/ ك ج ك / پ ي د – ي پ گ ۋە دائېش تېررورلۇق تەشكىلاتىغا مەنسۇپ 40 تېررورچى بىر تەرەپ قىلىندى. ھەرىكەت باشلىغاندىن بۇيان بىر تەرەپ قىلىنغان تېرروچى سانى 597 گە يەتتى» دېيىلدى.