چاۋۇشئوغلۇ: نۆۋەتتىكى ئالدىنقى نىشانىمىز مۇنبىچ...
مەۋلۇت چاۋۇشئوغلۇ پايتەخت ئەنقەرەدە ھەر قايسى گېزىت – تېلېۋىزىيە قاناللىرىنىڭ باش تەھرىرلىرى بىلەن يىغىن ئۆتكۈزدى.
تۈركىيە ئاۋازى رادىيوسى خەۋىرى: تاشقى ئىشلار مىنىستىرى مەۋلۇت چاۋۇشئوغلۇ، تۈركىيەنىڭ سۈرىيەدە ئەلبابتىن كېيىنكى ئالدىنقى نىشانىنىڭ مۇنبىچ ئىكەنلىكىنى ئەسكەرتكەن ھالدا، «مۇنبىچقا بارغان چېغىمىزدا، قارشىلىشىپ قالساق (PKK تېررورلۇق تەشكىلاتىنىڭ سۈرىيە قانىتى) ي پ گ غا ھۇجۇم قىلىدىغانلىقىمىزنى بۇنىڭدىن ئىلگىرى روشەن شەكىلدە ئوتتۇرىغا قويدۇق» دېدى.
مەۋلۇت چاۋۇشئوغلۇ پايتەخت ئەنقەرەدە ھەر قايسى گېزىت – تېلېۋىزىيە قاناللىرىنىڭ باش تەھرىرلىرى بىلەن يىغىن ئۆتكۈزدى. يىغىندا سۈرىيەدىكى ئۆزگىرىشلەر ھەققىدە توختالغان چاۋۇشئوغلۇ، ي پ گ تېررورلۇق تەشكىلاتىنىڭ سۈرىيەدە ئۆزىگە خاس رايونلارنى تەسىس قىلىشىغا قەتئىي يول قويۇلمايدىغانلىقىنى قەيت قىلغان ھالدا، «رۇسلار پ ي د نى قوللىسا، بىز ئۈچۈن ياخشى بولمايدۇ. پ ي د خەۋپسىزلىكىمىز ئۈچۈن دائېشقا ئوخشاشلا خەتەرلىك. مۇنبىچتا قارشىلىشىپ قالساق، ھۇجۇم قىلىدىغانلىقىمىزنى بۇنىڭدىن بۇرۇنمۇ دەپ ئۆتتۇق» دېدى.
مۇناسىۋەتلىك خەۋەرلەر
ئىراقنىڭ شىمالىدا تېررورچىلارغا زەربە بېرىلدى
ئىراقنىڭ شىمالىدا بۆلگۈنچى تېررورلۇق تەشكىلاتى — پ ك ك ئەزاسى ئۈچ تېررورچى بىر تەرەپ قىلىندى.