فىكرى ئىشىق ناتو دۆلەت مۇداپىئە مىنىستىرلىرى يىغىنىغا قاتنىشىدۇ

تۈركىيە ئاۋازى رادىيوسى خەۋىرى: دۆلەت مۇداپىئە مىنىستىرى فىكرى ئىشىق ناتو دۆلەت مۇداپىئە مىنستىرلىرى يىغىنىغا قاتنىشىش ئۈچۈن بىريۇسسېلغا يېتىپ بېرىپ، بىر قاتار مۇھىم ئۇچرىشىشلاردا بولىدۇ. ئۇ بىرىنچى بولۇپ، ئىسپانىيە دۆلەت مۇداپىئە مىنىستىرى مارىيا دولورېس بىلەن كۆرۈشىدۇ. ئارقىدىن ئىتالىيە دۆلەت مۇداپىئە مىنىستىرى روبېرتا پىنوتتى ۋە ئەنگلىيە دۆلەت مۇداپىئە ۋەزىرى مايكېل فەللېن (Micheal Fallon) بىلەن كۆرۈشىدۇ. ئۇ ناتو دۆلەت مۇداپىئە مىنىستىرلىرى يىغىنىنىڭ 2-بۆلۈمىدىن كېيىن، فىرانسىيە دۆلەت مۇداپىئە مىنىستىرى، ئارقىدىن ئامېرىكا دۆلەت مۇداپىئە مىنىستىرى جېيمس ماتتىس بىلەن كۆرۈشىدۇ ۋە كەچلىك تاماق زىياپىتىگە قاتنىشىدۇ.

ئۇ پەيشەنبە (16-فېۋرال) كۈنى ناتو دۆلەت مۇداپىئە مىنىستىرلىرى يىغىنىنى ئاخىرلاشتۇرغاندىن كېيىن، گىرۇزىيە دۆلەت مۇداپىئە مىنىستىرى لېۋان ئىزورىيا بىلەن كۆرۈشىدۇ. ئۇ ناتونىڭ گىرۇزىيە كومىتېتى ۋە دائېشقا قارشى كۈرەش قىلىش بىرلەشمىسىنىڭ دۆلەت مۇداپىئە يىغىنىغا قاتنىشىدۇ.