تۈركىيە ئارمىيەسى دۆلەت ئىچى - سىرتىدا تېررورچىلارنىڭ ئۇۋىلىرىنى بىتچىت قىلدى

تۈركىيە ئاۋازى رادىيوسى خەۋىرى: باش قوماندانلىق ئىشتابىنىڭ بۇ ھەقتىكى باياناتىغا قارىغاندا، ھازىرىي مەلۇم قىلىش ئۇچۇرى تاپشۇرۇپ ئالغان تۈركىيە ئارمىيەسى تۈنۈگۈن ئىراقنىڭ شىمالىدىكى زاپ رايونىغا سائەت 10:13-10:21؛ مەتىنا رايونىغا بولسا، سائەت 22:00-23:11 ئارىسىدا ھاۋادىن زەربە بېرىش ھەرىكىتى ئېلىپ بېرىپ، تېررورچىلارنىڭ ئۆڭكۈر، ئاكۇپ ۋە ئوق – دورا ئىسكىلاتلىرىنى ئۆز ئىچىگە ئالغان 15 نىشانىنى بىتچىت قىلىپ تاشلىدى.

ۋەزىپىلىرىنى ئۇتۇقلۇق ئورۇندىغان ئۇرۇش ئايروپىلانلىرى بازىلىرىغا ساق – سالامەت قايتىپ كەلدى، نۆۋەتتە تېررورچىلارغا يەتكۈزۈلگەن تالاپەتنى ئېنىقلاش خىزمەتلىرى داۋام قىلماقتا.

يەنە بىر تەرەپتىن، تۈنۈگۈن سائەت 16:00-16:16 ئارىسىدا دىيارباكىرنىڭ لىجە ناھىيەسى تاغلىق رايونىدا؛ سائەت 19:45-20:05 ئارىلىقىدا بولسا، ھاككارىنىڭ شەمدىنلى ناھىيەسى تاغلىق رايونىدا ھاۋادىن زەربە بېرىش ھەرىكىتى ئېلىپ بېرىپ، تېررورلۇق تەشكىلاتىنىڭ پاناگاھ، ئۆڭكۈر ۋە قورال ئامبارلىرىنى ئۆز ئىچىگە 20 نىشانى بىتچىت قىلىپ تاشلاندى.