21.02.2019

türkiye awazi radiyosi: «‹weten› géziti», «jumhur reis rejep tayyip erdoghan muhim bayanatlarni élan  qildi» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan türkiyening sherqiy aqdéngizdiki néfit qidirip tekshürüsh paaliyetliri heqqide bergen bayanatida, mundaq dédi: «xudayim buyrisa, millitimizge uzundin buyan töt köz bilen kütüwatqan xush xewerni yetküzimiz.»

tünügün altindagh qarapürchek köroghlu baghchisida ötküzülgen ammiwi xizmetlerni omumyüzlük halda ishqa kirishtürüsh murasimida xelqqe xitab qilghan jumhur reis erdoghan, «küntertipimizde chégra rayonlirimizda bixeter rayon berpa qilish mesilisi bar» dédi hemde 310 ming köchmenning öz yurtigha qaytqanlqiqinimu sözlirige ilawe qildi.

«‹star› géziti», «énérgiye we tebiiy bayliqlar ministiri fatih dönmez ezerbeyjan pirézidénti ilham eliyéw bilen körüshti» serlewhilik xewiride, töwendiki uchurlarni oqurmenlirining diqqitige sundi:

énérgiye we tebiiy bayliqlar ministiri fatih dönmez tünügün jenubiy tebiiy gaz karidori kéngesh heyitining 5 – nöwetlik balqan yighinigha qatnishish üchün yétip barghan ezerbeyjanda pirézidént ilham eliyéw teripidin qobul qilindi.

ezerbeyjan pirézidént mehkimisining bildürüshiche, uchrishishta, ilham eliyéw trans anadolu tebiiy gaz turuba liniyesi layihesi arqiliq bir milyard kub métirdin artuq tebiiy gazning türkiyege yötkelgenlikini qeyt qilghan.

türkiye énérgiye we tebiiy bayliqlar ministiri fatih dönmez bolsa, trans anadolu tebiiy gaz turuba liniyesi layihesi we « STAR » néfit ayrish zawuti layihesi

 qatarliq chong – chong layihelirini kelgüsidimu üzlüksiz dawamlashturidighanliqlirini tekitlidi.

«‹xewer türk› géziti», «türk jerrahlarning chégra halqighan opératsiye paaliyetliri» serlewhilik xewiride, töwendiki bayanlargha orun ajratti:

türkiyening oxshimighan uniwérsitétliridin 6 piroféssor, iraqning kerkük shehiride ehwali éghir 30 késelni opératsiye qilip, saqaytti.

ghazi uniwérsitéti, yildirim beyazit uniwérsitéti, osmanghazi uniwérsitéti, nejmettin erbaqan uniwérsitéti we selchuq uniwérsitéti qatarliq uniwérsitétlardin 6 piroféssor we ularning hemrahliqidiki heyet, iraqning kerkük shehiride ilmiy muhakime yighinliri arqiliq  tébbiy sahede qolgha keltürülgen muweppeqiyetlerni tonushturdi. shuning bilen bir waqitta, jerrahlar musapirlar lagérlirini öz ichige alghan sheherdiki herqaysi doxturxanilar we saghlamliq merkezliride  tébbiy paaliyetlerni élip bardi.

«‹höriyet› géziti», «89 – nöwetlik jenwe aptomobil yermenkisi échilish aldida turmaqta» serlewhilik xewiride, töwendiki uchurlarni oqurmenlirining diqqitige sundi:

dunya boyiche eng dangliq we eng muhim aptomobil yermenkiliridin biri bolghan shiwéytsariyediki 89 – nöwetlik aptomobil yermenkisi échilish aldida turmaqta. 7 – marttin 17 – martqiche bolghan ariliqta échilidighan yermenkining bu yil bir – biridin qélishmaydighan renggareng körünüshlerge sehne bolushi kütülmekte.

 tunji qétim 1905 – yili bashlanghan we 1924 – yili xelqaraliq yermenke süpitide qobul qilinghan yermenkige türk shirketlirimu qatnishidu.

«‹sabah› géziti», «istanbul donkéxot sepirige daxil qilinidu» serlewhilik xewiride, töwendiki melumatlarni oqurmenlirining diqqitige sundi:

zamaniwi yawropaning tunji romani süpitide qobul qilinidighan «donkéxot romani» ni yazghan ispaniyelik yazghuchi kérwantés üchün «kérwantés istanbulda» témisida uda 2 kün dawamlishidghan paaliyet ötküzülidu. istanbulni «donkéxot sepiri» ge daxl qilghan paaliyet, istanbul  sheherlik hökümiti medeniyet shirkiti bilen kérwantés inistutituning hemkarliqida 22 – 23 – féwral künliri jemal reshit beg konsért zalida ötküzülidu.