09.05.2024

türkiye awazi radiyosi: «sabah géziti», jumhur reis rejep tayyip erdoghanning ezerbeyjan bash ministiri eli asadowni qobul qilghanda, isirailiye hujum qiliwatqan ghezzediki puqralargha insanperwerlik yardem ewetish üchün türk döletliri teshkilatining téximu keng dairide hemkarlishalaydighanliqini éytqanliqini xewer qildi.

«xeber türk géziti», tashqi ishlar ministirliq bayanatchisi önjü kechelining, «ghezzege yetküzülüwatqan insanperwerlik yardemlirining %30 ni ewetiwatqan türkiye, pelestinliklerge eng köp yardem qilghan dölettur» dégenlikini xewer qildi.

«hörriyet géziti», girétsiyede bash ministir kiryakos michotakisning 13-may (2024) türkiyeni ziyaret qilidighanliqini xewer qildi.

«yéngi shepeq géziti»,  artwinning choruh derya boyliridiki köllerde ötken yili (2023) 14 ming 400 tonna türk somun béliqi yétishtürülgenlikini xewer qildi.

xewerde, bu yerlerde yétishtürülgen türk somun béliqlirinng yaponiye we rusiyeni öz ichige alghan dunyaning her qaysi jayliridiki döletlerge ékisport qilinghanliqi qeyt qilindi.

«star géziti», hökümetning tashlighan iqtisadiy  qedemliri we ottura mezgillik pirogrammilarning yetmekchi bolghan nishan boyiche izchil ijra qilinishi hemde xelqara derijige ayrish organlirining ijabiy qararliri netijiside, türkiye lirasining jelp qilish küchining dawamliq küchiyiwatqanliqini xewer qildi.