04.12.2018

türkiye awazi radiyosi: «sabah géziti», türkiye ichki ishlar ministirliqining yéqinqi bir heptide élip bérilghan ichki bixeterlikni qoghdash heriketliride, térrorluq teshkilatining atalmish yuqiri derijilik ikki kattibéshini öz ichige alghan 14 térroristning biterep qilinghanliqini élan qilghanliqini xewer qildi.

xewerde, ichki bixeterlikni qoghdash heriketliride, bölgünchi térrorluq teshkilatigha chétishliq 598, fethullahchi térrorluq teshkilatigha chétishliq 538, daésh térrorluq teshkilatigha chétishliq 17 we solchi térrorluq teshkilatigha chétishliqi éniqlanghan 10 kishining tutulghanliqi bildürüldi.

«hörriyet géziti», türkiye istatistika idarisi (TÜİK) ning noyabir éyidiki pul paxalliqi nisbitining %1.44 chüshkenlikini, yilliq pul paxalliqi nisbitining bolsa %21.62 ge töwenligenlikini élan qilghanliqini xewer qildi.

«yéngi shepeq géziti», medeniyet we sayahet ishliri ministirliqining qollishi bilen, «tirilish ertughrul», «paytext abdulhemid», «bir chaghlar chukurowa» we «chukur» qatrliq téléwiziye tiyatirlirining, singaporda ötküzülidighan yermenkige qatnashturulidighanliqini élan qildi.

xewerde, 150 din artuq döletke qilghan éksport bilen 350 milyon dollargha yetken türkiye téléwiziye tiyatir sahesining qolgha keltürgen muweppeqiyetliri tonushturulghan konféransning ötküzülidighanliqi bildürüldi.

«star géziti», medeniyet we sayahet ministirliqi türk dastani «dede korkut» ning, b d t maarip, bilim we medeniyet teshkilati-yunéskoning konkrét bolmighan medeniyet mirasi tizimlikige awaz birliki bilen qobul qilinghandin kéyin, «türk oqyachiliqi» nimu yunésko tizimlikige kirgüzüsh üchün heriketke ötkenlikini xewer qildi.

xewerde, türkiye medeniyet we sayahet ishliri ministirliqining bu heqtiki tetqiqatlirini 2019-yildiki komitét yighinida muzakirege qoyulup, qarar chiqirilishini kütüwatqanliqi bildürüldi.