16.08.2018

bügünki türkiye gézitliride asasiy salmaqni igiligen xewerlirimizning qisqiche mezmuni töwendikiche:

16.08.2018

türkiye awazi radiyosi: «weten géziti», akbangk (Akbank) bash mudiri hakan binbashgilning türkiye lirasigha chet ellerde köp telep barliqini élan qilip uzun ötmeyla, engliyedin muhim bir xewerning yétip kelgenlikini xewer qildi.

gézitning xewiride, gurdiyan gézitining engliyede aldinqi qatarda turidighan chet el pulliri shirketliridin « ICE» ning pul kasisida lira qalmighanliqini yazghanliqini xewer qildi.

«sabah géziti», xelqaraliq pul-muamile kirizis texminliri bilen tonulghan dangliq meblegh salghuchi mark féybér amérika bashlighan soda urushliri netijisining weyran qilish xaraktérlik bolush mumkinlikini éytqanliqini xewer qildi.

u: «soda urushliri resmiy qaramliq. yene kélip, dunya iqtisadining éshish süriti astilawatqan bir mezgilde dawamlishiwatidu. hazir türkiye pay cheklirini sétiwélish eng muwapiq, bir miqdar türkiye pay chekliri alimen. méningche, türkiyege meblegh sélishning del waqtidur » dégen.

«yéngi shepeq géziti», türkiyege qarshi pul-muamile urushi qozghighan donald tramp hökümitining amérika aksiye bazirining chüshüshige seweb bolghanliqini xewer qildi.

s n n téléwiziyesi aksiye bazirining töwenlishini, «türkiye bilen bolghan soda urushi amérika dollirining qimmitini chüshürüwetti» dégen serlewhe astida xewer qilghan.

s n n ning mezkur xewer analizida, «gherb türkiyedin ayrilip qélishning éghir bedilini töleydu» déyilgen.

«star géziti», türkiye tashqi ishlar ministiri mewlüt chawushoghluning 10-nöwetlik bash elchiler konféransigha qatniship, rusiyening türkiyege qarita wiza resmiyetlirini addiylashturidighanliqi toghrisida söz qilghanliqini xewer qildi.

xewerde, chawushoghluning: «soda-sanaetchiler we hökümet ishi bilen baridighanlardin wiza élinmaydu. rusiye bilen soda-sanaetchilirimizge, bolupmu yük aptomobil shopurliridin wiza telep qilmasliq toghrisida pirinsip jehette kélishtuq, rusiyening wiza resmiyetlirini pütünley bikar qilishini ümid qilimiz» dégenliki qeyt qilindi.

«xebertürk géziti», 2018-yili iyul éyida chet elliklerge sétilghan öy sanini 2017-yilning oxshash mezgilidikige sélishturghanda %65.6 éship, 2 ming 856 ge yetkenlikini xewer qildi.

2018-yili iyul éyda istanbulda chet elliklerge 956 öy sétilghan bolup, birinchi rettin orun alghan. antalyada 641 öy sétilghan bolup, ikkinchi rette turghan. bursada 176 öy sétilghan bolup üchinchi rettin, yalowada 167 öy, sakaryada 132 öy sétilghan bolup, tötinchi we beshinchi rettin orun alghan.

öylerni eng köp iraq, iran, seudi erebistan, rusiye we küweyt qatarliq döletlerning puqraliri sétiwalghan.


خەتكۈچ: sabah , xebertürk , star

مۇناسىۋەتلىك خەۋەرلەر