17.05.2018

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

17.05.2018

türkiye awazi radiyosi: «‹sabah› géziti», «jumhur reis erdoghanning pelestin diplomatiyesi dawamlashmaqta» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan pelestindiki yéqinqi özgirishler toghruluq gérmaniye bash ministiri angéla mérkél, iran pirézidénti hesen ruhani we rusiye pirézidénti wiladimir putin bilen ayrim – ayrim halda téléfonda körüshti.

erdoghan gérmaniye bash ministiri angéla mérkél bilen élip barghan téléfon söhbitide, ghezze rayonida pelesitnliklerning israiliye eskerlirining hujum nishanigha aylinip qélishi netijiside otturigha chiqqan sürkilish heqqide özara pikir almashturdi. ikki rehber, ghezze rayonning hazirqi ehwalining mesilini hel qilishni qiyinlashturuwetkenlikini tekitleshti.

jumhur reis erdoghanning iran pirézidénti hesen ruhani we rusiye pirézidénti wiladimir putin élip barghan téléfon söhbetliride, pelestinning nöwettiki weziyiti heqqide muzakire élip bérildi.

«‹star› géziti», «türkiye bilen amérika qoshma ishtatliri otturisidiki muhim uchrishishlarning waqti éniq boldi» serlewhilik xewiride, töwendiki uchurlarni oqurmenlirining diqqitige sundi:

türkiye tashqi ishlar ministiri mewlüt chawushoghlu bilen amérika qoshma ishtatliri tashqi ishlar ministiri mayk pompéo 4 – iyun küni amérika qoshma ishtatlirining paytexti washingtonda bir yerge jem bolidu.

chawushoghlu bilen pompéoning uchrishishida, süriye kirizisi we ottura sherq rayonidiki özgirishler, türkiye amérika qoshma ishtatliri munasiwetliri, p k k we fethullahchi térrorluq teshkilati qatarliq térrorluq teshkilatlirigha qarshi  küresh qatarliq mesililerning muzakire qilinishi kütülmekte.

«‹weten› géziti», «bash ishtab bashliqi hulusi aqar muhim uchrishishlarni élip bardi» serlewhilik xewiride, töwendiki bayanlargha orun ajratti:

bash ishtab bashliqi hulusi aqar girétsiye wa amérika qoshma ishtatliri bash ishtab bashliqliri bilen körüshti. aqar tünügün shimaliy atlantik ehdi teshkilati herbiy ishlar komitétining bash ishtab bashliqliri yighinigha qatnishish üchün yétip barghan bélgiyening paytexti biryussélda aldi bilen girétsiye bash ishtab bashliqi bilen körüshti. bu, ege déngizida sürkilish yüz bergendin kéyinki ikki dölet otturisidiki tunji qétimliq aliy derijilik rehberler sewiyesidiki uchrishish boldi.

hulusi aqarning amérika qoshma ishtatliri bash ishtab bashliqi jozéf dunford bilen élip barghan uchrishishida, ikki dölet munasiwetliri, süriye kirizisi we ottura sherq rayonidiki özgirishler qatarliq mesililerni chöridigen halda özara pikir almashturuldi.

«‹höriyet› géziti», «muawin bash ministir mehmet shimshek iqtisadiy ishlar heqqide muhim bayanat élan qildi» serlewhilik xewiride, töwendiki melumatlarni oqurmenlirining diqqitige sundi:

iqtisadiy ishlargha mesul muawin bash ministir mehmet shimshek ammiwi ortaqlishish tor béti Twitter sehipiside élan qilghan bayanatida, iqtisadning saylamdin kéyin qaytidin janlinidighanliqini eskertti.

«‹ Bloomberg News › téléwiziye qanili» türkiye shöbisining mesuli bénjamin harwéy hembehirleshken bir xewerke inkas qayturghan shimshek, «saylamdin kéyin siyasiy ishlarmu izigha chüshidu, shuning bilen, iqtisadmu qaytidin janlinidu. pirinsipliq bazar igilikini janlandush iqtisadiy tereqqiyat nishanini ishqa ashurushtiki eng muhim hem bixeter yol» dédi.

«‹yéngi shepeq› géziti», «muawin bash ministir rejep aqdagh israiliye bilen misirning pelesitnlik yaridarlarni türkiyege keltüridighan ayropilanni qondurushqa ruxset bermigenlikini éytti» serlewhilik xewiride, töwendiki uchurlarni oqurmenlirining diqqitige sundi:

muawin bash ministir rejep aqdagh shimaliy qibris türk jumhuriyiti jumhur reisi mustafa aqinji we bash ministiri tufan erhürman teripidin ayrim – ayrim halda qobul qilindi. aqdagh, shimaliy qibris türk jumhuriyitidiki ziyariti jeryanida élan qilghan bayanatida, «pelestindiki yaridarlarning türkiyege keltürülüshi üchün israiliye yaki misirgha ayropilan qondurushqa toghra kélidu. her ikki dölet buninggha ruxset bermidi» dédi.



مۇناسىۋەتلىك خەۋەرلەر