29.12.2017

hürriyet géziti «öz-ara melumat yetküzülidu»serlewhilik xewiride munu uchurlarni oqurmenlirining diqqitige teqdim qildi: «tashqi ishlar ministiri mewlüt chawushoghlu amérika bilen türkiye arisidiki wiza kirizisning hel bolushi toghruluq toxtilip mundaq dédi: <ikki dölet wiza kirizisini hel qilish üchün mexsus xizmet guruppisi teshkil qildi, alaqidar organlar yene bu toghruluq bir-birilirige melumat yetküzidu, mesilen, séning qolungdiki shu adem munu jinayetni sadir qildi,dégendek mesililer üstide melumat bérilidu.> ministir chawushoghlu <wiza kirizisi hel bolsa ikki dölet arisidiki bashqa mesililerning hel bolushigha paydisi bolamdu?>dégen soalgha qarita mundaq jawab berdi: <elwette paydisi bar, her ijabiy qedem öz-ara ishenchini ashuridu we ijabiy tesir peyda qilidu>.»

yéngi shepeq géziti «erdoghan zeherlik chékimlik bizge nisbeten éghir tehdittur, dédi»serlewhilik xewiride munu uchurlarni oqurmenliri bilen ortaqlashti: «jumhur reis rejep tayyip erdoghan jumhur reislik sariyida ötküzülgen türkiye pen we téxnologiye idarisi mukapatlash murasimida söz qilip mundaq dédi: <nöwette jemiyitimizde zeherlik chékimlik we téxnologiyege xumar bolup qélishtek xeterlik weziyet mewjut, biz insanlirimizni bolupmu yashlirimizning bu heqtiki tonushini östürüsh üchün bir qatar xizmetlerni élip bérishimiz kérek. intérnét burun peqet torxanilardila bar idi, hazir öylergiche kirdi, zehermu shundaq. hörmetlik ustazlar! biz bu xeterlik weziyettin qutulushimiz lazim, zeherlik chékimlikke xumar bolup qélish tolimu xeterliktur, buning aldini élish üchün muhim xizmetlerni ishleshke toghra kélidu. 2 yashliq bala, hetta uningdin kichik perzentlirimiz eqilliq téléfonlarning esirige aylinip qaldi, bu bizge nisbeten tolimu wehimlik we xeterlik ehwaldur. shunga bu mesilige éniq pozitsiye bildürüp, yéngi ewladlar yétishtürüshimiz lazim.»

haber türk géziti «seudi erebistan bilen ortaq qarshimiz %90dur»serlewhilik xewiride munu uchurlargha orun ajratti: «bash ministir binali yildirim seudi erebistan xan sariyida muxbirlarning soallirigha jawab bérip mundaq dédi: <seudi erebistan bilen mesililerge qarishimiz %90 etrapida oxshash iken, hetta mesililerni hel qilish jehettinmu oxshashliq bar iken. %100 bolushi mumkin emes, az bolsimu bezi mesililerge perqliq nuqtidin qarishimiz tebiiy ehwaldur.»

sabah géziti «ministir arslan 1915 chanakkale köwrükining qachan ishqa kirishtürülidighanliqi toghruluq melumat berdi»serlewhilik xewiride munu uchurlarni oqurmenliri bilen ortaqlashti: «qatnash, déngizchiliq we xewerlishish ministiri ehmet arslan 1915 chanakkale köwrükining qachan ishqa kirishtürülidighanliqini uqturdi. ministir tekirdagh wilayitidiki ziyaritide bu heqte toxtilip mundaq dédi: <jumhuriyitimiz qurulghanliqining 100-yilliqi bolghan 2023-yilida 1915 chanakkale köwrükini ishqa kirishtürüshni nishan qiliwatimiz>.»

sitar géziti «bora-12 miltiqi türkiye armiyesining küchige küch qoshmaqta»serlewhilik xewiride munu uchurlarni oqurmenliri bilen ortaqlashti: «türkiye armiyesi tarmiqidiki térrorizimgha qarshi turush bashqarmisi bolup nurghun dairilerde ishlitiliwatqan bora namliq miltiq, nishangha del tegküzüp yuqiri ünüm hasil qilmaqta. yuqiri téxnikiliq bolghan we  yerlik mehsulat hésablinidighan bora miltiqi qehriman türk eskirining küchige küch qoshuwatidu. chet ellerdiki sinaqlardin muweppiqiyetlik ötken bora miltiqi zhandarmining herbiy heriketliride ishlitilmekte. bu miltiq hem memliket ichide hemde memliket sirtida alahide qiziqish qozghimaqta.»