15.12.2017

yéngi shepeq géziti, «éksport sodimiz rékot yaritishqa yügürmekte» serlewhilik xewiride munu uchurlargha orun ajratti:

bash ministir binali yildirim beshtepe qurultay zalida ötküzülgen xizmetke orunlashturush shurasi yighinida qilghan sözide, mushu bir yilda 1 milyon 500 ming kishige xizmet imkaniyiti yaritilghanliqini, yilning 3 – charikidiki türkiyening iqtisadiy tereqqiyat nisbitining bolsa, dunya rékorti yaratqanliqini bildürdi. 2017 – yilining utuqqa tolghan bir yil bolghanliqini tekitlep, «ümidsiz sénariyelerni yazghanlarning sénariyeliri qolida qaldi. kelgüsimiz utuqqa érishti. türkiye utuqqa érishti, ékisport omumiy sommimiz 36 milyard dollardin 155 milyard dollargha chiqti. bu yilliq ékisport omumiy sommimiz barliq yillarningkidin éship ketse, qetiy heyran qalmanglar. bashqa döletler ziyan bayriqini chiqiriwatqan bir mezgilde, türkiye tereqqiy qilishni, ilgirileshni we parlaq cholpangha aylinishni dawam qiliwatidu» dédi.

xeber türk géziti, «ibrahim kalin: <quddus qararining dawamimu kélidu> dédi» serlewhilik xewiride munularni qeyt qildi:

jumhur reislik bayanatchisi ibrahim kalin islam hemkarliq teshkilatining qudds heqqidiki qararining dawamimu kélidighanliqini we pelestin dölitini itérap qilghan döletler sanining ashidighanliqini bildürdi. ibrahim kalin türkiyenimu öz ichige alghan nurghunlighan döletlerning emeliy nuqtidin pelestin dölitige <sherqiy quddus pelestin dölitining resmiy paytexti> dep étirap qilghan shekilde muamile qilip kéliwatqanliqini tekitlep, «bizning u yerdiki konsulxanimiz xuddiy bash elchixanigha oxshash xizmet qilmaqta. buning resmiyleshtürülüshi muhim. kelgüside qurulidighan pelestin dölitining hem chégrasini békitish nuqtisidin, hem eng küchlük qollap – quwwetlesh nuqtisidin tolimu zörür bir ish» dédi.

sitar géziti, «amérika rayonning rehberlikini türkiyege tartquzup qoydi» serlewhilik xewiride munularni yazdi:

amérikaning quddusni israiliyening paytexti, dep élan qilishidin kéyin, istanbulda jiddiy toplashqan islam hemkarliq teshkilatining yighinida maqullanghan qararlar keng kölemlik diqqet qozghidi. istinye uniwérsitéti iqtisad we memuriy ishlar fakultéti, xelqara munasiwetler bölümi bashliqi piroféssor doktor mesut heqqi jashin «maqullanghan qararlar zor tarixiy ehmiyetke ige. amérika rayondiki rehberlikini türkiyege tartquzup qoydi. uning üstige islam hemkarliq teshkilatida maqullanghan qarar bilen buningdin kéyin rayonda körülidighan ölüm weqeliri we bashqa hadisilerge amérika we pirézidénti donald tramp jawabkar, dep qarilidu» dédi. mesut heqqi jashin islam hemkarliq teshkilatining bu qtéimqi qararining siyasiy teripimu barliqini tekitlep, «eng muhimi bu qararlarning quddusni 400 yil bashqurghan türkiyening rehberlikidiki bir yighindin chiqqan bolushidur» dédi.

hörriyet géziti, «putin <süriye kirizisining eng chong azabini türkiye chekti> dédi» serlewhilik xewiride munularni oqurmenlirining diqqitige sundi:

rusiye pirézidénti wladimir putin her yilining axirida bir qétim ötküzülidighan keng dairilik axbarat élan qilish yighinida uzun bir nutuq sözlidi.  u sözide süriyede 2011 – yilidin buyan dawamlashqan kirizis heqqidiki bir soalgha jawab bérip, «buning azabini eng köp tartqan dölet türkiye boldi, chünki türkiye nurghun sanda süriyelik köchmenlerni qobul qilmaqta» dédi. putin süriyediki kirizisni hel qilish üchün xelqara jamaetchilikning ortaq tirishchanliq körsitishi kéreklikini tekitlidi. 

weten géziti, «sanaet sahesining aylanma meblighi 4 aydin buyan ösüshni dawamlashturmaqta» serlewhilik xewiride munu uchurlargha orun ajratti:

sanaet sahesining aylanma meblighi körsetküchi öktebir éyida, aldinqi yilning oxshash mezgilige sélishturghanda %31.7 ashti. uning üstige bu körsetküch arqimu – arqidin 4 ayghiche izchil örlep mangdi. sanaet sahesining töwen qatlamlirini tekshürüsh netijisige köre, 2017 – yili öktebir éyida aldinqi yilning oxshash mezgilige sélishturghanda kan mehsulatliri sahesi we kan qézish sahesi körsetküchi %5.3 we islepchiqirish sahesining körsetküchi %4 yuqiri örlidi.