türkiye metbuatlirida bügün 11.08.2017

sabah géziti «dunyagha qoyash énérgiye taxtisi ékisport qilidighan boldi» serlewhilik xewiride munularni yazdi:

énérgiye ministiri  berat albayraq tünji yerlik ishlepchiqirilghan qoyash énérgiye taxtilirini 2018 – yilining axirighiche ishqa kirishtürilidighanliqini bildürüp, «< Made in Turkey>  yeni, türkiyede ishlepchiqirilghan mehsulat dolqunini we qoyash énérgiye taxtilirini yéqinda rayongha ékisport qilimiz. yalghuz qara déngizdila emes, aq déngizdimu néfit izdeshte téximu aktip halgha kélimiz. türkiyening yer asti we üstide bar bolghan barliq bayliqlarni tépip chiqimiz» dédi.

hörriyet géziti, «türkiye astanege atlandi» serlewhilik xewiride munu uchurlargha orun ajratti:

türkiye qazaqistanning ékisport yermenkisige atlandi. astanege yétip barghan türkiye heyitige iqtisad ministiri nihat zeybekchi riyasetchilik qildi. u sözide: «21 – esir türkiye bilen qazaqistanning esiri bolidu. kélinglar arimizdiki tosalghularni élip tashlayli!» dédi. texminen 1000 kuwadirat métirliq körgezmexana achqan we türkiye küni paaliyiti üchün astanege yétip barghan heyetke, iqtisad ministirliqining alaqidar mesulliri we soda – sanaetchilerdin bashqa yene «dirilish ertoghrul» namliq téléwiziye filimining cholpanliri, ataqliq naxshichi buray we anadolu atishi ömükining usul mahirlirimu qatnashti. 

sitar géziti, «ergeneni <köstebek>  qotquzidu» serlewhilik xewiride munularni ortaqlashti:

trakyaning 40 yilliq derdi bolup kéliwatqan ergene patqaqliqini tüzesh üchün tünji qedem tashlandi. orman we su ishliri ministiri weysel eroghlu: «<köstebek>  namliq yerlik tonél échish mashinisini ishqa sélip, ergene deryasi bilen pütün astengler tazilinidu. bu layihe 2019 – yili axirilishidu» dédi. 

xeber türk géziti, «629 yilliq qongghiraq wangha qayturup kélinidu» serlewhilik xewiride munu uchularni oqurmenlirining diqqitige sundi:

iran insanshunasliq muziyida körgezme qiliniwatqan 629 yilliq qongghiraqni esli orni bolghan wanning eziz meryem chirkawigha qayturup béridighanliqini bildürdi. bu qongghiraq 1388 – yili wandiki eziz meryem chirkawigha hediye qilinghan bolup, hazir iranning gherbiy ezerbeyjan ölkisining merkizi urumiye shehiridiki insanshunasliq muziyida körgezme qilinmaqta idi. iran medeniy miras, qol - huner senetliri we sayahet ishliri idarisi muawin bashliqi mir hadi qara seyyid rumyani qongghiraq körgezme qiliniwatqan urumiyediki muziyni ziyaret qilish jeryanida, bu yadikarliqning esli ait bolghan wangha qayturup bérildighanliqini éytti. 

weten géziti, «guliyéw tarixiy ehmiyetke ige utuqni qolgha keltürüp altun médalgha érishti» serlewhilik xewiride munulargha orun ajratti:

tégi erezebyjanliq döletlik yénik atlitka mahirimiz ramil guliyéw engliyening paytexti londonda dawamlishiwatqan 16 – nöwetlik xelqara yénik atlitkta chémpiyonluqini talishish musabiqisning 200 métirgha yügresh türide altun médalgha érishti. türkiye bu sahe boyiche tünji dunya chémpiyonigha aylandi. ramil guliyéw bu utuqini türkiye we ezerbeyjan bayraqlirini teng échip tebriklidi. yene bir mahirimiz yasmani kopéllo esgobarmu kömüsh médalgha ériship, türkiyeni tarixta tünji qétim dunya chémpiyonluqini talishish musabiqisi erler türi boyiche chémpiyongha aylandurdi.