30.05.2017

türkiye awazi radiyosi xewiri: «‹yéngi shepeq› géziti», «türkiye shirkiti bilen gérmaniye shirkitining muhim hemkarliqi» serlewhilik xewiride, töwendiki melumatlarni oqurmenliri bilen ortaqlashti:

türkiye bilen gérmaniye dölet mudapiyesi sanaitide keng dairilik hemkarliq ornitishqa teyyarlanmata. hindonéziyening déngiz asti éhtiyajlirini qamdash meqset qilinghan layiheni öz üstige élish üchün gérmaniyening TyssenKruup guruhi bilen shérikleshken dölet mudapiyesi sanaiti téxnologiyeliri inzhénérliq we soda pay cheklik shirkiti (STM) layiheni öz  üstige élish salahiyitige érishken teqdirde, jumhuriyet tarixining dölet mudapiyesi sanaitidiki eng chong éksport layiheliridin birini ishqa ashurghan bolidu.

türkiye bilen gérmaniyeni uchrashturghan layihe dairiside hindonéziye déngiz armiyesi üchün 6 dane su asti paraxodi yasilishi mölcherlenmekte. layihening qimmiti 3 milyard yawro bolup, kélishim dairiside 1 yaki 2  su asti paraxodining göljük kémisazliq zawutida yasilishi, qalghanlirining bolsa hindonéziyede yasilishi pilanlanmakta.

Tip 214  tipliq hawadin musteqil halda ittirish sistémisigha ige su asti paraxotlirining qoral – éléktronluq sistémilirini qurashturushta Aselsan we   Havelsan  qatarliq shirketlerning wezipe ötüshi pilanlanmaqta.

«‹star› géziti», «nejashigha wapa» serlewhilik xewiride, töwendiki melumatlargha orun ajratti:

afriqa qitesi qurghaqchiliqning éghir zerbisige uchrimaqta. türkiye diniy ishlar fondi jemiyiti tunji ewlad musulman muhajirlarni baghrigha basqan padishah nejashining newre – chewrilirini untumidi. türkiye diniy ishlar fondi jemiyiti éfiyopiyening afar ölkisining asaita shehiride ramizan éyi munasiwiti bilen 1500 ailige 40 ming tonna yémek - ichmek yardem qildi.

«sende qérindishingningmu heqqi bar» shoari astida 65 dölet we 278 rayonda paaliyet élip bériwatqan türkiye diniy ishlar fondi jemiyitining layihe mesuli yüksel sezgin, nejati hezretlirining newre – chewrilirige wapa burchini ada qilish üchün bolupmu asaita shehirini tallighanliqlirini éytti.

«‹xewer türk› géziti», «hindistanliq meshhur shexslerning toy merikilirining yéngi jezbidarliq makani antalya» serlewhilik xewiride, töwendiki uchurlargha orun ajratti:

hindistanning bay we meshhur aililirining muhim paaliyetliridin birige aylanghan toy – tökünler nöwette ularning yurtidila emes, chet ellerdimu ötküzülidighan weziyet shekillendi. hindilar özige xas milliyche heshemetlik toy – tökünlirini ötküzüsh üchün tallighan döletler arisida türkiyemu bar. chiqimlirini kélin terep öz üstige alidighan we 1 milyon dollardin bashlinidighan toy – tökünler üchün antalya ishiklirini keng échiwetti.

«‹höriyet› géziti», «yash muzikant niyu yorkni lerzige salidu» serlewhilik xewiride, töwendiki mezmunlargha orun ajratti:

yash muzikant we bas iskiripka senetchisi chagh erchagh dunyagha dangliq dirizhor alam gélbértning widalishish konsértliri üchün niyu yorkqa bérishqa teyyarlanmaqta.

u, 8 – 9 – iyun künliri niyu york heweskarlar orkistéri ömiki bilen birlikte nomur orunlaydu. igilinishiche, konsértlarning alahide méhnmanlarliri arisida bas iskiripka senetchisi Yo-Yo Ma  we sunaychi Wynton Marsalis  qatarliqlarmu bar iken.

«‹sabah› géziti», «pochta qutisi» shangxeyde échilidu» serlewhilik xewiride, töwendiki uchurlarni oqurmenliri bilen ortaqlashti:

yéngi mewsumda kino mestaniliri bilen uchrishishqa teyyarliniwatqan we yüzlerche filim arisidin tallanghan «pochta qutisi» namliq filim, tunji qétim 20 – nöwetlik xelqara shangxey filim féstiwalida tamashibinlar bilen yüz körüshidu.

barish qirimshélioghlu rézhissorluq qilghan, nedim zeper we mehmud kechichi teripidin ishlengen filim, birdinbir arzusi herbiy xizmet ötesh bolghan «adem» ning baliliq mezgilidiki dosti «nihat» bilen bolghan sergüzeshtisini mezmun qilidu.