türkiye metbuatlirida bügün 24.03.2017

türkiye awazi radyosi: hörriyet géziti, «amérika we rusiyening y p g ge köngül bölishi bizni biaram qilmaqta» serlewhilik xewiride munularni yazdi:

jumhur reis rejep tayyip erdoghan rusiye we amérikining térrorluq teshkilati p k k ning süriyediki quyruqchisi y p g ge köngül bölüshlirining türkiyeni azablighanliqini bildürüp, «buni özlirigimu éytqanliqim üchün uchuq démekchimen. bu térrorluq teshkilati bu rayonlardin uzaqlashturulishi lazim. <way, ularni süriye hökümiti teklip qilghan> déyishidu. emma hemmila teklipni qobul qilghili bolmaydu. dunya siyasitide bundaq ish yoq. bu ish hemmidin bek kimni biarm qilidu? bizni biaram qilidu.  bizning 911 kélométirliq chégrayim bar. daésh atqan oq bilen bir puqrayimiz, bir eskirimiz shéhit boldi. bularning undaq ishi barmu yoqmu buninggha biz qarar bérimiz. héch kishi emdi türkiye chékinip chiqip ketsun déyelmeydu. undaq ish yoq. bu tehditlerdin toluq qutulghinimizda andin bizmu ehwalni muzakire qilimiz» dédi. 

weten géziti, «türkiye rusiyege agahlandurush berdi» serlewhilik xewiride munularni qeyt qildi:

süriyede afrin rayonidin étilghan oq netijiside türkiye eskirining shéhit bolushi tüpeyli rusiyening enqere elchixana meslihetchisi tashqi ishlar ministirlikige chaqirildi. tashqi ishlar ministirliqi bayanatchisi huseyin muftioghlu: «mesilhetchige bu weqedin qattiq biaram bolghnliqimizni yetküzduq. buninggha tégishilk jawap bérilgenliki we buningdin kéyin yene oxshash weqe yüz bergen teqdirde, kéreklik qedemlerning tashlinishi lazimliqi bildürüldi» dédi. huseyin muftioghlu rayondiki qanunsizliqlarni közitishke rusiye mesul bolghanliqi üchün rusiye elchixanisi meslihetchisining chaqilighanliqini tekitlidi.

xeber türk géziti, «ministir arslan: <cheklesh qararini xelqara ammiwi awءatsiye teshkilatigha eriz qilimiz> dédi» serlewhilik xewiride munularni yazdi:

türkiye déngizchiliq we uchur – alaqe ishliri  ministiri ehmet arslan amérika we engliyening éléktironluq üskinilerni ayropilangha élip chiqish cheklimisi üstide toxtilip, oxshash derijide qarshiliq körsitish deydighan ish yoqluqini bildurdi we : «térrorizm hemmila yerde térrorizmdur. térrorluqqa qarshi küreshte bir ayrodorumgha ayrimchiliq qilip, yene bashqa ayrodorumgha bashqiche muamile qilish toghra ish emes. bundaq chaghda heqliq halda insanlarning eqlige bashqiche ishlar kélidu. ümit qilimizki, bu ishning arqiisda bashqiche meqsetlerni öz ichige alghan arqa pilan bolup qalmisun. biz bu qararni xelqara ammiwi awءatsiye teshkilatigha eriz qilimiz» dédi. 

yéngi shepeq géziti, «500 din artuq meblegh salghuchi istanbulgha yétip keldi» serlewhilik xewiride munulargha orun ajratti:

paris qoltuqi mebleghchlirining türkiyege bolghan qiziqishi barghanche yuqiri örlimekte. istanbulda ötküzülgen 12 – nöwetlik türk – ereb iqtisad munbiri yighinida 500 din artuq yerlik we chet ellik mebleghchilerge türkiye iqtisadi tonushturuldi. chet ellikler türkiyege salghan mebleghlerdin qolgha keltürgen ünümlerni chüshendürüp ötti we yéngi meblegh salghuchilargha hemkarlishishni kücheytish chaqiriqida boldi. muawin bash ministir mehmet shimshekmu meblegh salghuchilargha: «türkiyening chong nishanliri bar. chaqqanraq bolunglar» dédi. türkiye bilen ereb döletliri otturiisdiki soda omumiy sommisining bu yil 70 milyard dollargha chiqishi mölcherlenmekte.

sitar géziti, «panahlanghuchilarning pajiesi amérikigha chüshendürülmekte» serlewhilik xewiride munularni oqurmenlirining diqqitige sundi:

amérikida turushluq 17 yashliq sinem oghuzning türkiyediki süriyelik panahlaghuchilarni téma qilghan foto süretliri amérikida zor qiziqish qozghidi. sinem oghuz tartqan resimler niyuyorkta «40 yashtin töwen eng tesiri küchlük 40 türk yash mukapati» murasimida körgezme qilindi. sinem oghuz buningdin ilgirimu amérika dölet mejliside körgezme achqanliqini bildürüp, türkiyening panahlanghuchilargha qilghan yaridemlirini pütün dunyagha anglitishni nishan qilghanliqini éytti.

radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!