05.07.2014

türkiye awazi radiyosi xewiri: hörmetlik radiyo anglighuchi eziz qérindashlar!  milliyet géziti, «éléktir üchün 7 milyard liraliq chong sélinma» serlewhisi astida xewer élan qildi.
xewerde, énérgiye we tebiiy bashliqlar ministiri taner yildizning «aldinqi iyunda türkiyening omumiy éléktir ishlepchiqirish küchi 60121 mégawat idi, bu yil %11 yuqiri örlep, 66632 mégawatqa yetti. éléktir istansisi sani aldinqi yilning oxshash mezgilige sélishturghanda %20.4 ashti» dégenliki hemde ilgiri pilanlanghan éléktir istansilirining emdilikte emelilishishke qarap mangghanliqini bildürüp, «bu éléktr istansiliri üchün sélinghan meblegh 7 milyard liragha yetti» dégenliki qeyt qilindi.
yéngi shepeq géziti, «türkiyelik alim yawropaning ijraiye komitétida» serlewhisi astida xewer élan qildi.
xewerde, enqere uniwérsitéti tibbiy fakultéti kardéologiye bölimi bashliqi piroféssor doktor chetin érolning, yawropa kardéologiye jemiyitining ijraiye komitéti ezaliqigha saylanghanliqi, bu jemiyetning 6 birlik, 4 kéngesh, 16 xizmet guruppisi we 56 dölette döletlik tarmaq jemiyetliri barliqi hemde bu barliq organlargha nisbeten belgilik awaz hoquqigha ige bolghan yawropa kardéologiye jemiyiti ijraiye komitétigha 13 neper namzat arasidin saylinip chiqqanliqi qeyt qilindi.
sabah géziti, «400 ming türkiyelik ayalgha gérmaniyedin maish» serlewhilik xewiride, gérmaniyede ishligen türkiyelik ayallargha xoshallinarliq bir xewer kelgenlikini yazdi.
xewerde, qisqa muddet bolsimu gérmaniyede ishlep dölitige qaytip ketken anilargha pinsiye maishi birilidighan bolghanliqi, gérmaniyening yéngi pinsiye qanunigha asasen burun gérmaniyede ishlep türkiyege qaytip kelgen ayallarning pinsiye maishi alalaydighanliqi qeyt qilindi.
millyiet géziti, «biliq tutiwatqan érosning tash tézma resimi tépildi» serlewhisi astida xewer élan qildi.
xewer bildürülishiche, adananing yumurtaliq nahiyeside arqa teripi biliq quyruqi shekillik at üstide biliq tutiwatqan érosning süriti chüshürülgen ikkinchi bir tash tézma resimi tépilghan. grétsiye epsaniliride «Hippocampus» dep atilidighan yérimi biliq shekillik atning üstide biliq tutuwatqan érosning bu tash tézma resimi dunyada héchqandaq oxshishi yoq nadir resim hésablinidiken. bu nahiyede aldinqi yili élip bérilghan qézip tekshürüshler jeryanidimu at üstide biliq tutuwatqan érosning 10 kuwadérat métér etrapida tash tézma resimi tépilghan idi.
axsham géziti, «(Liverpool) türkiyelik tenterbiyechini élan qildi» serlewhisi astida xewer élan qildi.
xewerde engiliyening (Premier Lig) komandisi heyitining türkiyelik tenterbiyechi emrejan bilen resmiy kélishim tüzgenliki, (Liverpool) téxnika ishliri mudiri bréndan rodgérsning, «firankfortta tughulghan tégi türkiyelik 20 yashliq putbol mahiri emrejan ademni ajayip hayajangha salghuchi iqtidargha ige. uning (Liverpool)ni tallighanliqi üchün özümni intayin xoshal hés qilimen» dégenliki qeyt qilindi.
radiyo anglighuchi eziz qérindashlar! yuqirida türkiye gézitliridin tallap teyyarlighan qisqiche xewerlirimizni anglidinglar!