ئەزەربەيجاننىڭ تۇنجى پىرېزىدېنتى ئاياز مۇتەللىپوۋ 84 يېشىدا ئالەمدىن ئۆتتى

تۈركىيە ئاۋازى رادىيوسى خەۋىرى: ئاياز مۇتەللىپوۋ باكۇدا تۇغۇلغان بولۇپ، ئۇ 1989-يىلى ئەزەربەيجان سوۋېت سوتسىيالىستىك جۇمھۇرىيىتى مىنىستىرلار كېڭىشىنىڭ رەئىسلىكىگە تەيىنلەنگەن ئىدى. ئەزەربەيجان سوۋېت ئىتتىپاقىدىن ئايرىلىپ مۇستەقىللىقىنى جاكارلىغاندىن كېيىنمۇ دۆلەتنى باشقۇرۇشنى داۋاملاشتۇرغان ئىدى.

ئاياز مۇتەللىپوۋ 1991-يىلى 8-سېنتەبىردىكى سايلامدا غەلىبە قىلىپ، مۇستەقىل ئەزەربەيجاننىڭ تۇنجى پىرېزىدېنتى بولغان ۋە 1992-يىلى 6-مارتتا ۋەزىپىسىدىن ئايرىلىپ روسىيەگە كەتكەن ئىدى.

ئاياز مۇتەللىپوۋ تاكى 2012-يىلغىچە رۇسىيەدە ياشىغان، ئاندىن دۆلىتىگە قايتىپ، ئۆزىنىڭ سىياسەتكە ئارىلاشمايدىغانلىقىنى ئېلان قىلغان ئىدى.

مۇتەللىپوۋ يېقىنقى مەزگىلدىن بۇيان دوختۇرخانىدا داۋالانماقتا ئىدى.