قازاقىستان رۇسىيەدىن 116 كىۋادرات كىلومېتىرلىق جاينى قايتۇرۇپ ئالىدىغان بولدى
مىنىستىر ئايدەربېك ساپاربايېۋ ئالەم قاتنىشى بازىسىغا تەۋە بۇ 116 كىۋادىرات كىلومېتىرلىق جايغا دۆلەتكە نىسبەتەن ئىنتايىن ئەھىيەتلىك مۇئەسسىسەلەرنىڭ قورۇلىدىغانلىقىنى ئېيتتى.
تۈركىيە ئاۋازى رادىيوسى خەۋىرى: قازاقىستان رۇسىيەگە ئىجارىگە بەرگەن بايقۇنۇر ئالەم قاتنىشى بازىسىغا تەۋە 116 كىۋادرات كىلومېتىر جاينى قايتۇرۇپ ئالىدىغان بولدى.
قازاقىستان پىرېزىدېنتلىقىدىن ئېلان قىلىنغان باياناتتا، پىرېزىدېنت قاسىم جۆمەرت توقايېۋنىڭ قازاقىستان ۋە رۇسىيە ئوتتۇرىسىدا 1994 – يىلى 10 – دېكابىردا ئىمزالانغان بايقۇنۇر ئالەم قاتنىشى بازىسىنى ئىجارىگە بېرش كېلىشىمىگە ئۆزگەرتىش كىرگۈزۈشكە ئالاقىدار قانۇن لايىھەسىنى تەستىقلىغانلىقى بىلدۈرۈلدى.
قازاقىستان مۇئاۋىن يېزا ئىگىلىكى مىنىستىرى ئايدەربېك ساپاربايېۋ ئىجارە كېلىشىمىدىن چىقىرىلىدىغان 4 جاينىڭ دۆلەتكە نىسبەتەن ئىنتايىن ئەھىيەتلىك مۇئەسسىسەلەرنىڭ قورۇلۇشى ئۈچۈن ئىشلىتىلىدىغانلىقىنى ئېلان قىلغان ئىدى.
ئايدەربېك ساپاربايېۋ 116 كىۋادىرات كىلومېتىرلىق جاينى قايتۇرۇپ ئېلىشنىڭ ئالەم قاتنىشى بازىسىنىڭ يىللىق ئىجارە بەدىلىگە ھېچقانداق تەسىر كۆرسەتمەيدىغانلىقىنى ئېيتقان ئىدى.
قازاقىستان 1994 – يىلىدا بايكونۇر ئالەم قاتنىشى بازىسىدىكى مۇئەسسىسەلەرنى رۇسىيەگە 20 يىللىق ئىجارە بېرىش كېلىشىمى تۈزگەن بولۇپ، 2004 – يىلى ئىجارە مۇددىتى 2050 – يىلىغا چىقىرىلغان ئىدى.
قازاقىستاننىڭ قىزىلئوردو ئۆلكىسىگە جايلاشقان بايكونۇر ئالەم قاتنىشى بازىسى 6700 كىۋادرات كېلومېترىلىق يەر كۆلىمىگە ئىگە بولۇپ، بايكونور شەھىرى ۋە بايكونۇر ئالەم قاتنىشى بازىسىدىن تەشكىل تاپىدۇ.
دۇنيا بويىچە ئەڭ چوڭ ئالەم قاتنىشى بازىسى ھېسابلىنىدىغان بۇ بازىدا، راكىتا قويۇپ بېرىش سوپىلىرى، كونترول مەركەزلىرى ۋە 1500 كېلومتىېر ئۇزۇنلۇقتا باشقۇرۇلىدىغان بامبا سىناق قىلىش ساھەسىمۇ بار.
رۇسىيە فېدېراتسىيەسى ئالەم قاتنىشى ئاجانتاسى «ROSCOSMOS» تەرىپىدىن باشقۇرۇلىۋاتقان بۇ بازىدا، ئالەم كېمىلىرى ۋە راكىتالار قويۇپ بېرىلىدۇ.
مۇناسىۋەتلىك خەۋەرلەر
ئەزەربەيجان – ئەرمېنىيە تىنچلىق سۆھبىتى باشلاندى
ئەزەربەيجان بىلەن ئەرمېنىيە ئوتتۇرىسىدىكى تىنچلىق سۆھبىتى قازاقىستاننىڭ ئالماتا شەھىرىدە باشلاندى.
ئەزەربەيجان باش مىنىستىرى تۈركىيەدە زىيارەتتە بولماقتا
ئەزەربەيجان باش مىنىستىرى ئەلى ئەسەدوف تۈركىيەدە دۆلەت ئىشلىرى زىيارىتىدە بولماقتا.