دۇنيا ئۇيغۇر قۇرۇلتىيىنىڭ 5 – نۆۋەتلىك ئومۇمىي يىغىنى رەسمىي باشلاندى

تۈركىيە ئاۋازى رادىيوسى خەۋىرى: دۇنيا ئۇيغۇر قۇرۇلتىيىنىڭ 5 – نۆۋەتلىك ئومۇمىي يىغىنى بۈگۈن باشلاندى.

فىرانسىيەنىڭ پايتەختى پارىژدا بۈگۈن 11 – ئىيۇل كۈنى باشلانغان دۇنيا ئۇيغۇر قۇرۇلتىيى 5 – نۆۋەتلىك ئومۇمىي يىغىنىغا 25 دۆلەتتىن 150 كە يېقىن ۋەكىل قاتناشتى.

دۇنيا ئۇيغۇر قۇرۇلتىيى رەئىسى رابىيە قادىر خانىمنىڭ ئېچىلىش نۇتۇقى بىلەن باشلانغان يىغىندا، ئەركىن ئالپتېكىن ۋە سىيىت تۈمتۈرك  ئەپەندىلەرمۇ نۇتۇق سۆزلىدى. 

يىغىنغا ئۇيغۇر ۋەكىللەردىن باشقا يەنە چەت ئەللىك مېھمانلار، مۇتەخەسسىسلەر، ژۇرنالىستلار، تۈركىي مىللەتلەر جەمئىيەتلىرى فېدېراتسىيەسى ۋە مىللىي گۆرۈش تەشكىلاتىنىڭ مەسئۇللىرىمۇ ئىشتىراك قىلدى. 

پارىژدا باشلانغان دۇنيا ئۇيغۇر قۇرۇلتىيى 5 – نۆۋەتلىك ئومۇمىي يىغىنى 13 - ئىيۇل كۈنى ئاخىرلىشىدۇ.