gollandiyede islamgha qarshi pégida herikiti jame aldida namayish ötküzdi
gollandiyening énschédé shehiride islam we köchmenlerge qarshi pégida herikiti marakeshlikler namaz oquydighan jamening aldida namayish ötküzdi.
türkiye awazi radiyosi xewiri: özlirini «gherbning islamlishishigha qarshi paaliyet élip bériwatqan wetenperwer yawropaliqlar» dep atiwalghan pégida herikiti teripidin ötküzülgen namayishta, islamgha qarshi filim körsitildi we islamgha haqaret qilinghan nutuqlar sözlendi.
köp sandiki saqchilar wezipe ötigen namayishqa yéqin rayonda, anti fashist herikiti namliq ammiwi teshkilatning bir guruppa ezasimu pégida herikitige qarshi namayish ötküzdi, hemde «irqchiliq chare emes» dégendek lozunkilarni kötürüp, «meqsitingni awazliq éytqin, ochuq - ashkara halda éytqin, bu yerde hemme kishini qobul qilimiz» dep shoarlarni towlidi.
anti fashist herikitidin wiktor lomér, hem jameni qollash hem pégida herikitige qarshi namayish ötküzüsh üchün kelgenliklirini tekitlep mundaq dédi: «bu yerde hemme kishige yer bérilginidek, jame sélishni xalaydighan bir musulmanghimu orun bérilidu. chünki, insanlarni étnik milliti yaki dini sewebidin chetke qéqishqa bolmaydu.»
mesulliri gollandiyeliklerdin teshkil tapidighan pelestin ish guruppisi fondining mesuli jan tér xaarmu pégida herikitining namayishining ighwagerlik ikenlikini tekitlep mundaq dédi: «pégida ashqun ongchil bir guruppa bolup, her qétimda bashqilarning diqqitini qozghash meqsitide shundaq qilidu. pégidaning namayish ötküzmekchi bolghanliqidin xewer tapqandin kéyin, bashqa yerde chaqirishni pilanlighan yighinimizni jamede ishqa ashurushni qararlashturduq.»
rottérdam sheher bashliqi ehmed ebutalib seyshenbe küni sheherdiki gollandiye diniy ishlar fondigha qarashliq laleli jamesining aldida ötküzülüshi pilanlanghan namayishning, bixeterlik sewebidin essalam jamesining aldida ötküzülüshige ruxset qildi.
pégida herikiti bu yil ramizanda iptar waqtida 5 jamening aldida choshqu göshidin kawab qorush paaliyiti ötküzülidighanliqini uqturghan, bu paaliyetlerning bir qismi sheherlik hökümetler teripidin bikar qilinghan, laleli jamesining aldida ötküzülmekchi bolghan paaliyettinmu yüzlerche kishining qattiq naraziliq bildürüshi sewebidin waz kéchilgenidi.
