ئىسرائىلىيە باش ئىشتاب باشلىقى لىۋانغا ھۇجۇم قىلىشنىڭ سىگنالىنى بەردى

تۈركىيە ئاۋازى رادىيوسى خەۋىرى: ئىسرائىلىيە ئارمىيەسى بايانات ئېلان قىلىپ، ھېرزى خالېۋىنىڭ غەززەدىكى ئىسرائىلىيە ئەسكەرلىرى بىلەن كۆرۈشكەندە بايانات بېرىپ، ئىسرائىلىيە ئارمىيەسىنىڭ غەززەدىكى قۇرۇقلۇق ھۇجۇملىرىدا مۇۋەپپەقىيەت قازانغانلىقىنى ئىلگىرى سۈرگەنلىكىنى ۋە ئۇ يەردىكى ئەسكەرلەرگە خىتاب قىلىپ: «غەززەدە سىلەر كىرىپ ۋەيران قىلالمايدىغان بىر كىلومېتىر يەرمۇ بولمىغانغا ئوخشاش، لىۋاندىمۇ سىلەر كىرىپ يوقىتالمايدىغان بىر رايون يوق. سىلەرنى زۆرۈر بولغان جايلارغا ئورۇنلاشتۇرىمىز، سىلەرمۇ ئۇ يەردە قىلىشقا تېگىشلىك ئىشلارنى قىلسىلەر» دېگەنلىكىنى بىلدۈردى.

ئىسرائىلىيە ئارمىيەسى بىلەن ھىزبۇللاھ ئارىسىدا 8 – ئۆكتەبىردىن بۇيان داۋام قىلىۋاتقان توقۇنۇشلاردا ھازىرغىچە 28 لىۋان پۇقراسى، 159 ھىزبۇللاھ ئەزاسى، 5 ئىسرائىلىيە پۇقراسى ۋە 9 ئىسرائىلىيە ئەسكىرى ئۆلدى.