ئافغانىستان تاشقى ئىشلار مىنىستىرلىقى ئالدىدا پارتلاش يۈز بەردى

تۈركىيە ئاۋازى رادىيوسى خەۋىرى: تالىبان ھۆكۈمىتىنىڭ كابۇل ساقچى ئىدارىسى باياناتچىسى خالىد زادران ئۆزىنىڭ ئىجتىمائىي تاراتقۇدىكى ئادرېسىدا بايانات بېرىپ، ئافغانىستان تاشقى ئىشلار مىنىستىرلىقىغا يېقىن يەردە پارتلاش يۈز بېرىپ، ئادەم ئۆلۈش ۋە يارىلىنىش ئەھۋاللىرىنىڭ كۆرۈلگەنلىكىنى، ۋەقە يۈز بەرگەن جايغا بىخەتەرلىك قىسىملىرىنىڭ ئەۋەتىلگەنلىكىنى بىلدۈردى.

تالىبان قىسىملىرى مىنىستىرلىق تەرەپكە بارىدىغان كوچىلارنى تاقاپ، رايوندىكى بىخەتەرلىك تەدبىرلىرىنى كۈچەيتتى.

كابۇل مەركىزىدىكى جىددى قۇتقۇزۇش دوختۇرخانىسى كوچىسىدىكى قاتناشنىڭ توختىتىلىپ، يارىلانغانلارنىڭ يۆتكەلگەنلىكى بىلدۈرۈلدى.