ئىراننىڭ سەئۇدى ئەرەبىستان ۋە ئىراققا ھۇجۇم قىلىشقا تەييارلىنىۋاتقانلىقى ئىلگىرى سۈرۈلدى

تۈركىيە ئاۋازى رادىيوسى خەۋىرى: ئامېرىكا ۋە سەئۇدى ئەرەبىستان ئەمەلدارلىرى ئامېرىكانىڭ ئالدىنقى قاتاردىكى گېزىتلىرىنىڭ بىرى بولغان «ۋال ستريت جورنال»غا بايانات بېرىپ، ئىراننىڭ ئالاقىدار تەرەپلەرنىڭ دىققىتىنى دۆلەت ئىچىدىكى نامايىشلاردىن باشقا ياققا بۇرىۋېتىش ئۈچۈن، سەئۇدى ئەرەبىستان ۋە ئىراقنىڭ ئەربىل شەھىرىدىكى بەزى ئورۇنلارغا پات يېقىندا ھۇجۇم قوزغاش ئېھتىمالى بارلىقىنى بىلدۈردى.

سەئۇدى ئەرەبىستاننىڭ بۇ ئۇچۇرنى ئامېرىكا ئەمەلدارلىرى بىلەن ئورتاقلاشقانلىقىغا ئىشارەت قىلىنغان خەۋەردە، مەزكۇر ئىككى دۆلەت ۋە باشقا بىر قىسىم دۆلەتلەرنىڭ ئارمىيەلىرىنىڭ ھوشيارلىقىنى ئۆستۈرگەنلىكىگە ئىشارەت قىلىندى.