دۇنيا مۇسۇلمان ئالىملىرى بىرلەشمىسىنىڭ سابىق باشلىقى قەرەداۋى ۋاپات بولدى

تۈركىيە ئاۋازى رادىيوسى خەۋىرى:دۇنيا مۇسۇلمان ئالىملىرى بىرلەشمىسى يازما بايانات ئېلان قىلىپ، بىرلەشمىنىڭ سابىق باشلىقى مىسىرلىق ئالىم قەرەداۋىنىڭ ۋاپات بولغانلىقىنى بىلدۈردى.

باياناتتا: «ئۆمۈرىنى ئىسلامنىڭ ھۆكۈملىرىنى ئىزاھلاشقا ئاتىغان دۇنيا مۇسۇلمان ئالىملار بىرلەشمىسىنىڭ قۇرغۇچى باشلىقى يۇسۇف قەرەداۋى جانابىي ھەقنىڭ رەھمىتىگە ئېرىشتى» دېيىلدى.

يۇسۇف قەرەداۋى 1926-يىلى مىسىردا دۇنياغا كەلگەن بولۇپ، قارىملىق (قۇرئان كەرىمنى يادقا ئېلىش) ۋە باشقا دىنىي ئوقۇشلاردىن كېيىن، ئەزھەر ئۇنىۋېرستېتىدا ئوقۇغان.

ئۇ 2004-يىلدىن 2018-يىلغىچە دۇنيا مۇسۇلمان ئالىملار بىرلەشمىسىنىڭ باشلىقلىق ۋەزىپىسىنى ئاتقۇرغان.

ئۇ بىر قانچە يىلدىن بۇيان قاتاردا ياشىماقتا ئىدى.