rusiyening rostow rayonida bir urush ayropilani chüshüp ketti

türkiye awazi radiyosi xewiri: rusiye armiyesining jenubiy herbiy rayoni axbarat merkizi «Su-25» tipliq urush ayropilanining chüshüp ketkenliki toghrisida bayanat élan qildi.

bayanatta, ayropilanning pilanlanghan meshiq uchushi jeryanida chüshüp ketkenliki we bir uchquchining jénidin ayrilghanliqi qeyt qilindi.

bayanatta mundaq déyildi:

«uchush meshiqi oq-dorisiz emelge ashurulghan bolghachqa, ayropilan chüshüp ketken bosh jayda héchqandaq ziyan-zexmet körülmidi.»

deslepki melumatlarda körsitilishiche, ayropilan téxnikiliq kashila tüpeylidin chüshüp ketken bolup, rusiye hawa we alem armiyesidin bir komitét weqe yüz bergen jayda tekshürüshte bolghan.