kuweyt emiri erdoghangha télégramma yollap, minnetdarliqini ipadilidi

türkiye awazi radiyosi xewiri: kuweyt resmiy xewer agéntliqi —kunaning xewirige qarighanda, essabah erdoghangha télégramma yollap: «türkiyedin xushalliq ichide ayrilduq. ikki dost dölet we ularning xelqi otturisidiki yéqin tarixiy rishtining chongqurluqini we yéqin dostluqni eks ettürüp bergen, biz we hemrahliqimizdiki heyetke namayan qilinghan méhmandostluq üchün, «erdoghangha minnetdarliqimizni bildürimiz» dégen.

kuweyt emiri essabahning enqerediki ziyaritining «ortaq nishan we özara menpeetni asas qilip, barliq sahelerde ikki dölet xelqning ümidi we arzusini qanduridighan shekilde berpachi hemkarliqlarni ornitish ümidini kücheytkenliki» tekitlendi.

«dölet sherep ordéni» teqdim qilghan jumhur reis erdoghangha «eng chongqur minnetdarliqi»ni ipadiligen we buningdin iptixaralanghanliqini bildürgen kuweyt emiri, erdoghanning bu iltipatining «ikki dost dölet otturisidiki hemkarliq we dostluq munasiwitining chongqurluqini eks ettürüp béridighanliqi»ni otturigha qoydi.

jumhur reis rejep tayyip erdoghan tünügün kuweyt emiri meshel elehmed eljabir essabah bilen körüshüp, ikki döletning iqtisadiy we soda munasiwiti hemde israiliyening ghezzege qilghan hujumlirini muzakire qilghanidi.

jumhur reiserdoghan kuweyt emiri essabahqa dölet ordéni teqdim qilghanidi.