ئامېرىكانىڭ بارلىق ئىشتاتلىرى سايلام نەتىجىسىنى رەسمىيلەشتۈردى

تۈركىيە ئاۋازى رادىيوسى خەۋىرى: تۈنۈگۈندىن بۇيان ئامېرىكىدىكى 50 ئىشتاتنىڭ ھەممىسى ۋە پايتەخت ۋاشىنگتون سايلام نەتىجىسىنى تىزىمغا ئالدۇرۇپ رەسمىيلەشتۈردى.

رەسمىيلەشتۈرۈلگەن سايلام نەتىجىسىگە ئاساسلانغاندا، دېموكراتچىلار پارتىيەسىنىڭ پىرېزىدېنت نامزاتى جو بايدېن 81 مىليوندىن ئارتۇق بېلەتكە، يەنى %51.3 لىك ئاۋازغا ئېرىشتى.

ئامېرىكانىڭ مەۋجۇت پىرېزىدېنتى ۋە جۇمھۇرىيەتچىلەر پارتىيىەسىنىڭ پىرېزىدېنت نامزاتى دونالد ترامپ 74 مىليوندىن ئارتۇق بېلەتكە يەنى %46.8 لىك ئاۋازغا ئېرىشتى.

جو بايدېن 306 ۋەكىل بىلەن پېرىزىدېنتلىق ئۈچۈن كېرەكلىك بولغان 270 ۋەكىل شەرتىنى ئاشقان بولدى.

ترامپ بولسا 232 ۋەكىل بىلەن قالدى.