ب د ت كىشىلىك ھوقۇق كېڭىشى ساقچى زوراۋانلىقىنى ئەيىبلىدى

تۈركىيە ئاۋازى رادىيوسى خەۋىرى: 47 ئەزا دۆلەتتىن تەشكىل تاپقان بىرلەشكەن دۆلەتلەر تەشكىلاتى كىشىلىك ھوقۇق كېڭىشىنىڭ شىۋېتسارىيەنىڭ جەنۋە شەھىرىدە ئاخىرلاشقان 43 – نۆۋەتلىك يىغىنىدا ماقۇللانغان قارارى ئارقىلىق، ب د ت كىشىلىك ھوقۇق ئالىي كومىسسارى مىشېل باچېلېتقا، ئامېرىكا ھۆكۈمىتىنىڭ «ئىرقچىلىققا قارشى تىنچ ئۆتكۈزۈلۈۋاتقان نامايىشلار» غا مۇداخىلە قىلىشىنى تەكشۈرۈش ھوقۇقى بېرىلدى.

بۇنىڭغا ئاساسلانغاندا، باچېلېت تەكشۈرۈشىنى تاماملىغاندىن كېيىن، دوكلات تەييارلاپ، 2021 – يىلى ئىيۇنغىچە كېڭەشكە سۇنىدىكەن. شۇنىڭ بىلەن بىر ۋاقىتتا، ئافرىقالىقلار ۋە تېگى ئافرىقالىقلارغا قارىتىلغان «ساقچى ۋەھشىيلىكى» ھەققىدە قەرەللىك ھالدا كېڭەشكە مەلۇمات بېرىدىكەن.