تەيۋەنلىك يۇقىرى دەرىجىلىك ھەربىي ئەمەلدارلار ئولتۇرغان تىك ئۇچار ئايروپىلان چۈشۈپ كەتتى

تۈركىيە ئاۋازى رادىيوسى خەۋىرى: تەيۋەن مەركىزىي خەۋەر ئاگېنتلىقىنىڭ مۇداپىئە مىنىستىرلىقىدىن ئىگىلىگەن ئۇچۇرىغا ئاساسەن بەرگەن خەۋىرىدە، قازادا ئارمىيە باش ئىشتاب باشلىقى شېن يىمىڭ ۋە ھاۋا ئارمىيەسى قوماندانىنى ئۆز ئىچىگە ئالغان 8 كىشى جېنىدىن ئايرىلغان.

خەۋەردە، UH-60M Black Hawk تىپلىق تىك ئۇچار ئايروپىلاننىڭ يېڭى تەيبىگە قاراشلىق ۋۇلائى ناھىيەسى تاغلىق رايونىدا چۈشۈپ كەتكەنلىكى ئەسكەرتىلدى.

بۈگۈن سەھەردە مەيدانغا كەلگەن قازادىن كېيىن تىك ئۇچار ئايروپىلاندىكى 13 كىشىنىڭ 5 ىنىڭ سالامەت قۇتقۇزۇۋېلىنغانلىقى قەيت قىلىنغان خەۋەردە، تىك ئۇچار ئايروپىلاننىڭ تاغلىق رايونغا چۈشۈپ كېتىشتىن ئىلگىرى شۇ جاي ۋاقتى سائەت 8 دىن 7 مىنۇت ئۆتكەندە راداردىن يوقاپ كەتكەنلىكى بىلدۈرۈلدى.

Black Hawk تىپلىق تىك ئۇچار ئايروپىلاننىڭ خىتاي يېڭى يىلىدىن ئىلگىرى تەپتىش خىزمەتلىرى دائىرىسىدە تەيبىدىن شىمالدىكى يىلان شەھىرىگە قاراپ كېتىۋاتقانلىقى قەيت قىلىندى.