ruhani iranda intérnétning cheklinishini tenqid qildi

türkiye awazi radiyosi xewiri: iran pirézidénti hesen ruhani, iranda intérnétning melum derijide cheklinishini tenqid qilip: intérnétni cheklep xata qilduq, dédi.

paytext téhranda uchur-alaqe téxnologiyeliri ministiri muhemmed jewad eziri jehromu we bashqa ministirlar bilen körüshken pirézidént ruhani, iranda intérnétke melum derijide cheklime qoyulushining toghra ish bolmighanliqini bildürdi.

nurghun intérnét tor béti we ijtimaiy taratqugha cheklime qoyulushigha naraziliq bildürgen ruhani: asmandikiler teripidin bizge hoquq bérilgenlikini we buninggha asasen zémindikiler üstide buyruq chiqiralaydighanliqimigha ishinimiz, biraq bundaq ish yoq, dédi.

yéngi téxnologiyelerde bezi xeterning barliqinimu éytqan ruhani, ilghar téxnologiyelerni xelqning turmushidin siqip chiqirishqa bolmaydighanliqini eskertip munularni qeyt qildi: «xelqning omumiy teleplirige sel qarash, hetta basturush hem toghra emes hemde qanunluq emes. omumiy xelqning iradisige qarshi turalmaymiz, téxnologiye we yéngi tereqqiyatlargha qarshi chiqish ötmüshte qaldi.»

«intérnétni melum derijide cheklep xata  qilduq»dégen pirézidént ruhani, hökümetning birla buyruq bilen hemme nersini chekliyeleydighan qudretke ige ikenlikini oyliwalidighanliqini, xelqning bolsa bezi pirogrammilar arqiliq hökümetning intérnét cheklimilirini bösüp ötüp uchur-melumatlargha ériship kéliwatqanliqini, hökümetning intrnétni melum derijide cheklesh siyasitining meghlub bolghanliqini eskertti.