pompéyo iranning qite halqighan bashqurulidighan bomba yasashning koyida ikenlikini ilgiri sürdi

türkiye awazi radiyosi xewiri: ministir mayk pompéyo, iranning tünügün tunji alem kémisini qoyup bérishidin kéyin ijtimaiy taratqu tori tiwittérdiki adrési arqiliq bayanat bérip, iranning alem kémisi qoyup bérish b d t  xewpsizlik kéngishining 2231 – nomurluq höjjitige xilapliq qilghanliqini éytti we sözini dawamlashturup, «bu, iranning yene bir qétim ottura sherq we yawropagha tehdit élip kélidighan bashqurulidighan bomba yasashning koyida ikenlikini körsitip berdi» dégenlerni qeyt qildi.

iran, bir qanche hepte ilgiri alem boshluqigha 3 alem kémisi qoyup béridighanliqini élan qilghan, amérika téhranning bu bayanatigha naraziliq bildürgenidi.

pompéyo, alem kémilirini boshluqqa chiqirishta ishlitilidighan téxnologiyelerning qite halqighan bashqurulidighan bomba téxnologiyesi bilen oxshash ikenlikini ilgiri sürgen, téhran dairiliri bu niyitidin waz kechmigen teqdirde téximu éghir iqtisad we diplomatik jaza yürgüzülidighanliqini éytip tehdit salghanidi.