gutérrés, qashiqji jinayitining ishenchlik rewishte tekshürülüshi kéreklikini éytti
birleshken döletler teshkilati (b d t) bash katipi antonio gutérrés, seudi erebistanliq zhurnalist jemal qashiqji jinayiti toghrisida «ishenchlik tekshürüsh» élip bérishqa chaqirdi.
türkiye awazi radiyosi xewiri: b d t bash katipi antonio gutérrés, qatarda 18 – nöwetlik doha munbiri jeryanida, muxbirlarning seudi erebistanliq zhurnalist jemal qashiqji jinayitige alaqidar soallirigha jawab bérip, «ishenchlik rewishte tekshürüsh élip bérilishi we jawabkarlarning jazalinishi asastur» dédi.
seudi erebistanliq zhurnalist jemal qashiqji, 2018 – yili 2 – öktebir seyshenbe küni nikahlinish resmiyetlirini béjirish üchün kirgen seudi erebistanning istanbuldiki konsulxanisida wehshiylerche öltürülgenidi.
seudi erebistan dairiliri, 20 – öktebirde qashiqjining «konsulxanida chiqqan jédelde ölüp ketkenliki» ni élan qilghanidi.
yene bir tereptin qatar tashqi ishlar ministirliqi teripidin chaqirilghan «bir – birige chétishliq dunyada siyasetning belgilinishi» témiliq 18 – nöwetlik doha munbiri ikki kün dawamlashti.
yighingha dölitimiz tashqi ishlar ministiri mewlüt chawushoghlu, somali bash ministiri hesen eli xeyri, b d t ning 73 – nöwetlik omumiy kéngishi bashliqi mariya férnanda éspinosa, b d t bash katipi antonio gutérrés we oxshash bolmighan ellerning tashqi ishlar ministirliri ishtirak qildi.
