washington, yaponiyede soqulup ketken ayropilandiki amérikiliqlar toghrisida melumat berdi
amérika déngiz armiyesi piyade qisimliri qomandanliqi, soqulup ketken amérika ayropilanlirigha alaqidar izdesh – qutquzush xizmetlirining axirlashqanliqini bildürdi.
türkiye awazi radiyosi xewiri: amérika qoshma ishtatliri, yaponiyening iwakuni déngiz armiye piyade qisimliri herbiy bazisigha orunlashturulghan KC-130 tipliq yéqilghu ayropilani bilen F/A-18 tipliq urush ayropilanining ötken hepte meshiq esnasida özara soqulup kétishidin kéyin yoqap ketken 5 eskerning ölgenlikini uqturdi.
amérika déngiz armiyesi piyade qisimliri qomandanliqi bayanat élan qilip, 6 – dékabirda F/A-18 tipliq urush ayropilani bilen soqulup ketken KC-130 tipliq yéqilghu ayropilanidiki 5 xadimning ölgenlikini, izdesh – qutquzush xizmetlirining axirlashqanliqini bildürdi.
merkuz 5 kishining kimliklirining aile tawabiatlirigha xewer bérilip bolghandin kéyin jamaetchilikke uqturulghanliqi qeyt qilindi.
yaponiye déngizining 200 mil ichki qismida yüz bergen qazadin kéyinki izdesh – qutquzush jeryanida qutquzulghan F/A-18 tipliq urush ayropilanining ikki xadimining biri bu dunya bilen widalashqanidi.