qarataghdimu «sériq jilitkilikler» namayish ötküzdi

türkiye awazi radiyosi xewiri: yawropa döliti qarataghning paytexti podgorikada bir türküm kishi, tünügün hökümetke qarshi «diktator zulimitidin qorqmaymiz»dégen shoarlarni towliship namayish ötküzdi.

parlamént ezasi nébojsa médojéwikning tutqun qilinishigha naraziliq bildürgen öktichi partiyening qollighuchiliri ötküzgen namayishqa, «sériq jilitke»kiyiwalghan nurghun kishi qatnashti.

parlamént binasi aldigha yighilghan namayishchilar, jumhur reislik we hökümet binasigha qarap yürüsh qildi.

namayishqa démokratchilar partiyesi parlamént ezaliridin sirt nurghun öktichimu qatnashti.

démokratchilar partiyesining rehberliridin andrija mendik namayishta söz qilip, 2 ay qamaqqa höküm qilinghan médojéwikning hayatining xeter ichide ikenlikini éytti.

mendik: parizhdiki namayishlargha qatnashqanlarning sani bilen bügünki namayishqa qatnashqanlarning sanini nezerge alsaq, bizningmu dölitimizni özgerteleydighan qudretke ige ikenlikimizni körüwalalaymiz, shunglashqa jesur we qetiy bolushimiz kérek, bügün kechte bizni qollighanlarni charshenbe küni ötküzülidighan namayishqimu qatnishishqa chaqirimiz, dédi.

rehberler sözlirini tügitip bolghandin kéyin namayish jédelsiz axirlashti.