wéngiriye makédoniye bilen bosniye – gértségowinaning eza bolushini qollaydighanliqini bildürdi

wéngiriye, makédoniye bilen bosniye – gértségowinaning shimaliy atlantik ehdi teshkilati – natogha eza bolushini qollaydighanliqini bildürdi.

wéngiriye makédoniye bilen bosniye – gértségowinaning eza bolushini qollaydighanliqini bildürdi

türkiye awazi radiyosi xewiri: wéngiriye tashqi ishlar we tashqi soda ishliri ministiri pétér szijjarto, dölitining makédoniye bilen bosniye – gértségowinaning shimaliy atlantik ehdi teshkilati – natogha eza bolushini qollaydighanliqini bildürdi.

bélgiyening paytexti biryussélda chaqirilghan natogha eza döletlerning tashqi ishlar ministirliri yighinigha ishtirak qilghan pétér, makédoniyening natogha eza bolush yolida gewdilik qedemlerni tashlighanliqini, aldimizdiki yili yanwar yaki féwral éyida girétsiye bilen isim mesilisini hel qilghandin kéyin natogha eza bolushini kütüwatqanliqini éytti.

ayrim uchrishishlarda, makédoniye tashqi ishlar ministirigha dölitining hazirghiche bolup kelginidek buningdin kéyinmu üsküpning yawro – atlantikqa maslishish musapisini qollaydighanliqini tekitligen pétér, «makédoniye alliburun nato ezasi bolup bolushi kérek idi. hazirghiche körsetken tirishchanliqi eza bolush üchün yéterlik» dédi.

u, gherbiy balqandiki hel bolmighan mesililerning éghir kashililarni chiqiriwatqanliqini, buning hel qilinishining bolsa, yawro – atlantik maslishish musapisining süritining ashurulushigha baghliq ikenlikini qeyt qildi.

bosniye – gértségowinaning wingériyege jughrapiyelik orun jehettin yéqin bir dölet ikenlikini, shunga u yerdiki muqimliqning wingériyege nisbetenmu muhim ikenlikini tekitligen pétér, budapéshitning bosniye – gértségowinaning nato ezaliqini qollaydighanliqini sözlirige ilawe qildi.



مۇناسىۋەتلىك خەۋەرلەر