beshshar esed hakimiyiti déyruz zurda ezanni mejburiy özgertti
beshshar esed hakimiyiti bilen iranning qollishi astidiki térrorluq qoralliq küchler déyruz zurning sünniyler topliship olturaqlashqan bezi nahiyelerde ezanni mejburiy özgertip oqushni yolgha qoydi.
türkiye awazi radiyosi xewiri: süriyede beshshar esed hakimiyiti bilen iranning qollishi astidiki chet el térrorluq qoralliq küchliri iraq chégrasigha jaylashqan déyruz zur wilayitidiki sünniyler topliship olturaqlashqan nahiyelerde mejburiy shieleshtürüsh siyasiti yürgüzmekte.
déyruz zurdiki yerlik menbelerdin élinghan melumatlargha asaslanghanda, beshshar esed hakimiyiti we iranning qollishi astidiki chet el térrorluq qoralliq küchlirining telipige binaen déyruz zurning sherqiy qismida sünniyler topliship olturaqlashqan méyadin, elbu kemal we sibayhan qatarliq nahiyelerdiki jamelerde ezanni shie usuli boyicheoqush qarari chiqirilghan. beshshar esed qisimliri we qollighuchiliri bu qararni ötken hepte ijra qilishqa bashlighan bolup, ezanni shie usuli boyiche oqushni qobul qilmighan 20 imamni wezipisidin élip tashlighan. qarargha qarshiliq körsetken nurghun imam tehditke uchrighan. shieler ezanni shie usuli boyiche oqushni qobul qilghan imamlarni qaytidin terbiyeleshke bashlighan.
beshshar esed hakimiyiti qararni qobul qilghan imamlarning maashini östürgen we iranning qollishi astidiki qoralliq küchler bilen téximu asan alaqe qilalishi üchün alahide bixeterlik kénishkisi bergen.
shielerge oxshash oqulghan ezanda, sünniylerningkidin perqliq halda, «guwahliq bérimenki eli allahning dostidur» menisini bildüridighan «eshhedüenne eliyyen weliyullah» dégen sözler bar.
yerlik xelq ezan özgertilgendin kéyin, namazghimu özgertish kirgüzüshke mejburlashqa bashlinishidin endishe qilmaqta.
déyruz zurning gherbide beshshar esed hakimiyiti, sherqide bölgünchi térrorluq teshkilati y p g|p k k we cheklik bezi qisimlirida térrorluq teshkilati daésh mewjut bolup turmaqta.
