tramp: méksika köchmenler éqinigha taqabil turalmisa, chégrani taqaymen
amérika qoshma ishtatliri pirézidénti donald tramp méksika qanunsiz köchmenler éqinigha taqabil turalmisa, amérika armiyesini heriketke keltürüp, amérika qoshma ishtatlirining méksika bilen tutishidighan jenubiy chégra rayonlirini taqaydighanliqini éytti.
türkiye awazi radiyosi xewiri: amérika qoshma ishtatliri pirézidénti donald tramp ammiwi ortaqlishish tor béti Twitter sehipiside, bu heqte élan qilghan bayanatida, amérikining jenubiy chégra rayonliridiki qanunsiz köchmenler éqini mesilisining jawabkarining démokratlar partiyesi bilen méksika hökümiti ikenlikini ilgiri sürüp mundaq dédi: «ochuq chégra we tesir küchi bolmighan qanunlarni qollawatqan démokratlar pariyesi bashlamchiliqidiki dölitimizge kéliwatqan qanunsiz köchmenler éqinigha qarap turushtin bashqa amalim yoq, dölitimizge kéliwatqan qanunsiz köchmenler bolupmu tégi giwatémalaliq, hondurasliq we salwadorluq kishilerdin teshkil tapidu.»
méksikidin amérika qoshma ishtatlirigha kéliwatqan qanunsiz köchmenler mesilisi, trampning 2016 – yilqi pirézidént saylimi seperwerlik heriketliri jeryanidimu muhim küntertip maddiliridin birige aylanghanidi.
amérika qoshma ishtatliri pirézidénti donald tramp axirqi qétim awghust éyida bu heqte élan qilghan bayanatida, «méksika chégrasini taqash üchün sépil soqush qurulushi alliqachan bashlandi» dégenidi.
