seudi shahzadisining yéqin adimi jamal kashikchi yoqap ketken küni konsulxanigha kirgen
seudi erebistanning weliehdi shahzadisi muhemmed bin selmangha yéqinliqi bilen tonilidighan mahir abduleziz mutrebning 2-öktebir jemal kashikchidin bir qanche saet burun seudi erebistanning istanbuldiki konsulxanisigha kirgenliki élan qilindi.
türkiye awazi radiyosi xewiri: amérikada chiqidighan niyu york waqti géziti seudi erebistanning weliehdi shahzadisi muhemmed bin selmangha yéqinliqi bilen tonilidighan mahir abduleziz mutrebning 2-öktebir jemal kashikchidin bir qanche saet burun seudi erebistanning istanbuldiki konsulxanisigha kirgenlikini élan qildi.
niyu york waqti gézitining xewiride, mutrebning kéyinche seudi erebistanning istanbulda turushluq bash konsuli muhemmed eluteybining öyining aldida turghanliqi, arqidin bir méhmanxanidin chong chamadanni kötürginiche chiqip, atatürk ayrodurumidin türkiyedin ketkenlikini körsitip béridighan fotograflargha orun ajritildi.
élan qilinghan fotograflarda, türkiye waqti etigen saet 9 din 55 minut ötkende konsulxanigha kirgen mutreb, chüshtin kéyin 16 din 45 minut ötkende bash konsulning öyining aldida körünidu. 17 din 15 minut ötkende istanbulda chüshken méhmanxanidin chiqidu we 17 din 58 minut ötkende atatürk ayrodurumida körünidu.
niyu york waqti géziti mahir abduleziz mutrebning 2017-yili seudi erebistanning londondiki bash elchilik wezipisige teyinlengen diplomat ikenlikini, seudi erebistan shahzadisining qoghdighuchisi bolup nurghun yerlerni ziyaret qilghanliqini qeyt qilghan idi.
washington pochtisi gézitining yazghuchisi bolghan jemal kashikchi 2-öktebir (seyshenbe) resmiyet béjirish üchün seudi erebistanning istanbuldiki konsulxanisigha kirip ketkendin kéyin, aqiwiti heqqide héchqandaq xewer élinalmighan idi.
