gutérrés köp döletlik xelqara tüzümning xeter astida turuwatqanliqini bildürdi
b d t bash katipi antonyo gutérrés nöwettiki köp döletlik xelqara tüzümning xeter astida turuwatqanliqini bildürdi.
türkiye awazi radiyosi xewiri: birleshken döletler teshkilati bash katipi antonyo gutérrés 25-séntebirde bashlinidighan birleshken döletler teshkilati 73-nöwetlik omumiy kéngesh muzakiriliridin ilgiri b d t omumiy kéngishide ötküzülgen muxbirlarni kütüwélish yighinida, köp döletlik xelqara tüzümning xeter astida turuwatqanliqini ilgiri sürüp dunya rehberlirini xelqara sewiyede hemkarliq ornitishqa chaqirdi.
amérika qoshma ishtatliri pirézidénti donald trampning köp döletlik xelqara tüzümge tehdit sélip salmaywatqanliqi toghrisida soralghan bir soalgha gutérrés jawab bermidi we kéler hepte dunya rehberlirige köp döletlik xelqara tüzümni qoghdash kéreklikini tekitleydighanliqini éytti.
rusiyening sochi shehiride idlibte oq chiqirishni toxtitish toghrisida hasil qilinghan kélishim üstide toxtalghan gutérrés: türkiye jumhur reisi rejep tayyip erdoghan bilen rusiye pirézidénti wiladimir putin idlibte qorallardin xaliy rayon berpa qilish toghrisida kélishim hasil qildi, bu kélishim ijra qilinsa 1 milyon bala bolup jemiy 3 milyon adem palakettin qutulup qalidu, dédi.
gutérrés idlib kélishimini emeliyleshtürüsh, idlib xelqini qoghdash, süriyediki muhtajlargha yardem buyumlirini yetküzüsh we jenwe muzakirilirini dawamlashturush üchün alaqidar tereplerni küch chiqirishqa chaqirdi.
antonyo gutérrés yene b d t xewpsizlik kéngishide kéler hepte muzakire qilinidighan iran yadro kélishimini qollaydighanliqini bildürdi.
amérika iqtisadiy yardemni üzüp tashlighan b d t gha qarashliq pelestinlik musapirlargha yardem qilish orginining nöwettiki ehwali üstide toxtalghan gutérrés, bu organgha bérilidighan yardem pulning neqleshtürülgenlikini éytti.
