iraqta bir réstoran qangha boyaldi

türkiye awazi radiyosi xewiri: iraqning salahaddin wilayitidiki bir réstoran hujumgha uchrap 5 adem öldi, 32 adem yarilandi.

bixeterlik tarmaqliri salahaddin sheher merkizining shimaligha jaylashqan hajjaj nahiyesidiki bir réstoranning hujumgha uchrighanliqini bildürdi.

iraq sehiye ministirliqi bayanatchisi seyf el bedir bu heqte bergen bayanatida 5 ademning ölüp 32 ademning yarilanghanliqini éytti.

xewpsizlik tarmaqliri teripidin «ölüm üch bulungi»dep teriplinidighan kerkük-salahaddin-diyala wilayetliri arisidiki bu rayonda pat-pat térrorluq hujumliri yüz bérip turidu.

iraq armiyesi 2014-yili iyunda térrorluq teshkilati daéshning changgiligha chüshken salahaddin wilayitining hemmisini dégüdek 2015-yilning axirida qayturup alghanidi.