«munasiwetlirimiz qérindashliq we semimiyet asasigha qurulghan»
iran mudapie ministiri général emir xatemi iranning qoshna döletler bilen bolghan munasiwetlirining qérindashliq we semimiyet üstige qurulghanliqini éytti.
türkiye awazi radiyosi xewiri: iran mudapie ministiri général emir xatemi türkiye bilen iranning munasiwitining yaxshi kétiwatqanliqini we qoshna döletler bilen iran arisida qérindashliq munasiwiti barliqini eskertti.
emir xatemi döletlik téléwiziye qanilining ziyaritini qobul qilghanda küntertipki mesililer we iran bilen qoshna döletlerning munasiwetliri üstide toxtaldi.
iranning türkiye, afghanistan, ezerbeyjan we pakistan bilen qoshnidarchiliq munasiwitining yaxshiliqini éytqan général xatemi, bu munasiwetning qérindashliq we semimiyet asasigha qurulghanliqini éytti.
iranning qoshna döletlerge semmiy muamile qilip kéliwatqanliqini, yéqinqi mezgillerde qoshna döletlerni qoyuq ziyaret qilghanliqini, bu jeryanda nurghun yaxshi tesirat we chüshenchige ige bolghanliqini alahide eskertip ötken xatemi, iranning diplomatiye we tashqi siyasetke izchil ehmiyet bérip kéliwatqanliqini bildürdi.
iran mudapie ministiri général xatemi armiye bash qomandanliq ishtabi bashliqiningmu nurghun qoshna döletni ziyaret qilip ijabiy we paydiliq uchrishishlarni élip barghanliqini éytti.
