amérika qoshma ishtatliri bashchiliqidiki ittipaqdash küchliri süriye armiyesige hujum qildi
amérika qoshma ishtatliri bashchiliqidiki ittipaqdash küchlirining süriyening sherqiy shimalidiki direzzur wilayitide beshshar esed küchlirige ait nishanlargha qilghan hujumida kem dégende 40 süriye eskiri öldi.
türkiye awazi radiyosi xewiri: direzzurgha qarashliq ebu kemal rayonida turushluq beshshar esed küchliri «firat deryasi» ning sherqidiki térrorluq teshkilati daéshning kontirolluqidiki hejin rayonigha qarap ilgirileshke urundi hemde «firat deryasi» ning qarshi teripige ötüsh üchün deryaning üstige köchme köwrük sélip, hejin rayoni etrapigha yétip bardi. beshshar esed küchliri hejin etrapigha orunliship birqanche saet ötkendin kéyin amérika qoshma ishtatliri bashchiliqidiki ittipaqdash küchlirining shiddetlik hujumigha uchridi.
hujumda yuqiri derijilik ofitsérlarnimu öz ichige alghan kem dégende 40 süriye eskiri öldi, qalghanliri bolsa rayondin chékinishke mejbur boldi.
buningdin bashqa yene, ittipaqdash küchlirige ait urush ayropilanliri beshshar esed küchliri «firat deryasi» ning üstige salghan köchme köwrükni bombardiman qilip, weyran qildi.