israiliyening oqida yene bir pelestiinlik shéhit boldi
jüme küni israiliye eskerlirining oqida yaridar bolghan bir pelestinlikning shéhit bolghanliqi bildürüldi.
türkiye awazi radiyosi xewiri: ghezze – israiliye otturisida dawamlishiwatqan «chong qaytish yürishi» namayishliri jeryanida, aldinqi jüme küni israiliye eskerlirining oqida yaridar bolghan bir pelestinlikning shéhit bolghanliqi bildürüldi.
pelestin sehiye ministirliqi bayanatchisi eshref el qudra élan qilghan yazma bayanatida, «jüme küni refah shehirining sherqiy chégrasida qorsiqigha oq tégip, yaridar bolghan 20 yashliq abdullah shimali shéhid boldi» déyildi.
abdullah shimalining shéhid bolishi bilen birge 30 – marttin buyan dawamlishiwatqan namayishlarda israiliye eskerliri öltürgen pelestinliklerning sani 40 qa yetti.
israiliye 1976 – yili 30 - martta jelili rayonida turushluq pelestinliklerge tewe qanche ming géktar yerni tartiwalghan bolup, pelestin xelqi bu bulang - talanggha naraziliq bildürüp, omumiy yüzlük ish talash namayishi ötküzgen we israiliye eskerliri pelestinliklerge ras oqup étip, 6 kishini shéhiid qilghan shundaqla nurghun kishini yaridar qilghan idi.
«zémin küni» dep mu tonulghan bu naraziliq küni israiliye bilen pelestin xelqi otturisidiki toqonushning menbesi dep qarilidu hemde zémin meslisige qarita pelestinlikler bildürgen qarshiliqlarning simwoli depmu hésablinidu.
