nato bash katipi türkiyening istratégiyelik ehmiyitini mueyyenleshtürdi

türkiye awazi radiyosi xewiri: shimaliy atlantik ehdi teshkilati – nato bash katipi yéns stolténbérg, natogha eza héchbir döletning türkiyechilik térrorluq hujumlirigha qarshi küresh qilmighanliqining estin chiqirilmasliqi kéreklikini eskertip, «türkiye nato chégralirini muhapizet qilishta achquchluq rol oynimaqta» dédi.

yéns stolténbérg, gollandiye parlaménti tashqi ishlar ministirliqi komitéti yighinida parlamént ezalirining soallirigha jawab berdi. u, térrorizmgha qarshi küresh mesiliside türkiyeni toghra chüshinish lazimliqini tekitlep, «héchbir nato dölitining bunchilik térrorluq hujumlirigha qarshi küresh qilmighanliqini untumasliqimiz kérek. türkiye nato chégralirini muhapizet qilishta achquchluq rol oynimaqta. u, nahayiti muhim bir ittipaqdishimizdur» dédi.

parlaménttiki yighindin kéyin, bash ministirliq mehkimiside gollandiye bash ministiri mark rutté bilen qoshma muxbirlarni kütüwélish yighini ötküzgen yéns stolténbérg, bir gérik muxbirning türkiye bilen girétsiye otturisidiki sürkilishke qandaq qaraydighanliqi toghrisidiki soaligha «her ikki dölet qimmetlik ittipaqdashtur. qoshna bolush süpiti bilen, özara körüshüp yaxshi ötüshliri lazim. ularning arisidiki uchrishishlardin söyündüm. nato bolush süpitimiz bilen bu ehwalgha mudaxile qilishimizning paydisi yoq. saqliniwatqan mesililerni öz arilirida hel qilishliri kérek» dep jawab berdi.