afghanistanda bomba hujumi yüz bérip bir qomandan qaza qildi
afghanistanning jenubidiki qendihar wilayitide yüz bergen bomba hujumida qendihar chégra mudapiesi qisimlirining qomandani hayatidin ayrildi.
türkiye awazi radiyosi xewiri: jamaet xewpsizliki tarmaqlirining bildürüshiche, qendihar wilayetlik chégra mudapiesi qisimlirining qomandani janan afghan resmiy aptomobiligha orunlashturup qoyulghan bombining yiraqtin kontirol qilinidighan tizginidek bilen partlitilishi netijiside hayatidin ayrilghan, üch muhapizetchisi yarilanghan.
hujumning jawabkarliqini taliban öz üstigte alghan.
bu ariliqta, taliban teshkilatigha eza térrorchilar afghanistanning gur wilayitining merkizi firuz koh shehirige jaylashqan saylam merkizige bésip kirip, 5 kishini tutup ketken.
gur jamaet xewpsizliki bash idarisi bayanatchisi muhemmed iqbal nizamining éytishiche, térrorchilar firuz koh shehiridiki saylam merkizige bésip kirip, 3 jamaet xewpsizliki xadimi bilen merkezning bixeterlikini qoghdaydighan 2 saqchini tutup ketken.
dölet xewpsizlik küchliri taliban teripidin tutup kétilgenlerni qutquzush üchün heriketke ötken.
afghanistanda 20 – öktebir küni ötküzülüshi pilanliniwatqan parlamént ezaliri saylimi üchün saylighuchilarni tizimgha élish xizmiti 14 – aprél bashlanghanidi.
