amérika elchixanisi bomba hujumigha uchridi

türkiye awazi radiyosi xewiri: qaradaghning paytexti podgorikada kimliki téxiche éniqlanmighan bir kishi yérim kéchide amérika elchixanisigha qol bombisi atqandin kéyin, bedinige téngiwalghan bomba bilen özini qoshup partlatti.  

qaradagh hökümiti hujum heqqidiki tekshürüshlerning saqchi we teptish organliri teripidin dawamlishiwatqanliqini bildürdi.

amérika elchixanisi bayanatchisi jéf adlérmu qaradagh axbaratlirigha élan qilghan bayanatida, hujum qilghuchining kimlikini éniqlash üchün saqchilar bilen hemkarliq ichide xizmet qiliwatqanliqini uqturdi.

qaradagh axbaratliri hujumchining qol bombisini elchilikning témidin ichige atqanliqini xewer qildi.